ಭೂಮಿಗಳತೆ ಮಾಡಿ ನನ್ನದಿದೆಂದು ಪತ್ರವನು ಬರೆಸಿ

ಅದಕೊಡೆಯ ನಾನೆಂದು ಮೆರೆಯುತಲಿ ಸಂಭ್ರಮಿಸಿ

ಹಣವೆನುತ ಲೋಹ,ಕಾಗದದ ಮೇಲೆ ಚಿತ್ತಾರ ಬಿಡಿಸಿ

ಕೂಡಿಡುತಲಿಹೆವದನು ಸುಖ ಪಡೆವೆವೆಂದು ಭ್ರಮಿಸಿ

 

ನಿನ್ನದಲ್ಲದ ಎಲ್ಲವನು ಉಪಯೋಗಿಸುತಿರುವೆ ನೀನಿಲ್ಲಿ

ನಿನ್ನಂತೆ  ಬಂದಿಹರಿಲ್ಲಿ ಪರರೆಂಬುವ ಅರಿವಿರಲಿ ನಿನ್ನಲ್ಲಿ

ತಿಳಿ ನೀನು ನೀನಿರುವ ಈ ದೇಹವಿದು ಕೂಡ ನಿನದಲ್ಲ

ನಾನು,ನನದೆನ್ನದಿರು ದೇವನದು ಈ ಜಗದಲಿಹುದೆಲ್ಲ

 

ಭ್ರಮೆಗೊಳಗಾಗಿಹುದು ಮನವು ದೇವನ ಮಾಯಾ ಲೀಲೆಯಿಂದ

ನಂಬು  ಶ್ರೀ ನರಸಿಂಹನನು ಬಿಡಿಸುವನು ಮಾಯಾ ಭ್ರಮೆಯಿಂದ