(ರಾಗ ಸುರುಟಿ ಆದಿತಾಳ)

ಇಲ್ಲೆ ಕುಳಿತಿದ್ದ ಭೂತವು ||ಪ||
ಒಂದು , ಹಲ್ಲಿ ನುಂಗಿತು ಹದಿನಾಲ್ಕು ಲೋಕವ ||ಅ||

ಸೂಳೆಯ ಮನೆಯಲ್ಲಿ ಅದೊಂದು ಕೋಳಿ
ಕೋಳಿಯ ನಾಲಿಗೆ ಏಳುತಾಳು ಉದ್ದ
ಕೋಳಿ ನುಂಗಿತು ಏಳು ಕಾಳಿಂಗನಾಗನ್ನ
ಮೇಲೆದ್ದು ಬೇಡಿತು ಸಿಂಹದ ಮರಿಯು ||

ಕಾನನದ ಒಳಗೊಂದು ಅದೊಂದು ಕೋಣ
ಕೋಣನ ಕೊರಳಿಗೆ ಮುನ್ನೂರು ಭಾವಿ
ಕೋಣ ನೀರಿಗೆ ಹೋಗಿ ಕ್ನೋಣಿ ಕಪಿಯ ಕೊಂದು ದೊಡ್ಡ
ಟೊಣ್ಣನ ಮನೆಯೊಳಗೌತಣವಯ್ಯ ||

ವೃಕ್ಷದ ಮೇಲೊಂದು ಸೂಕ್ಷ್ಮದ ಪಕ್ಷಿ
ಪಕ್ಷಿಭಕ್ಷಣವಾದ ಅಮೃತದ ಹಣ್ಣು
ಪಕ್ಷಿ ನೋಡಲು ಬಂದ ರಾಕ್ಷಸ ಬ್ರಾಹ್ಮಣ
ಶಿಕ್ಷೆಯ ಮಾಡಿದ ಪುರಂದರವಿಠಲ ||