( ರಾಗ ಪಂತುವರಾಳಿ/ಕಾಮವರ್ಧಿನಿ. ಛಾಪು ತಾಳ)

ಬಾರಯ್ಯ ಮನೆಗೆ ರಂಗಯ್ಯ ನೀನು ||ಪ||
ಬಾರಯ್ಯ ನಮ್ಮ ಮನೆಗೆ ಬಾಲಗೋಪಾಲ
ಜಾರಚೋರ ಕೃಷ್ಣ ಜಾನಕೀಪತಿ ರಾಮ ||ಅ||

ನಂದ ನಂದನ ನವನೀತ ಚೋರ ಕೃಷ್ಣ
ಮಂದರೊದ್ಧರನೆ ಮಾಧವರಾಯ ರಾಮ ||

ಗೋಕುಲದೊಳಗೆ ಗೋಪಿಯರ ಕೂಡಿ
ಲೋಕ ನೋಡಲವರ ಕಾಕುಮಾಡಿ ||

ಹಳ್ಳಿಪಳ್ಳಿಗಳೊಳು ಎಲ್ಲ ಮೊಸರು ಹಾಲು ಬೆಣ್ಣೆ
ಕೊಳ್ಳೆಯಾಡಿ ಗೋಪಿ ಕುಚ ಪಿಡಿದ ಕೃಷ್ಣ ||

ಅನಂತ ಪದುಮನಾಭ ಅಪ್ರಮೇಯ ಹೃಷಿಕೇಶ
ದಾನವಾಂತಕ ರಂಗ ದಶರಥ ಪುತ್ರ ರಾಮ ||

ಪರಮ ಪವಿತ್ರ ರಾಮ ಭದ್ರಾಚಲಧೀಶ
ವರದ ಶ್ರೀ ಪುರಂದರವಿಠಲ ರಾಮ ||