( ರಾಗ ಶಂಕರಾಭರಣ. ಅಟ ತಾಳ)

ಬರಬೇಕೋ ರಂಗಯ್ಯ ನೀ ಬರಬೇಕೋ ||ಪ||
ಬರಬೇಕೋ ಬಂದು ಒದಗಬೇಕೋ ಮಮ ಗುರು
ನರಹರಿ ನಾರಾಯಣ ನೀನಾ ಸಮಯಕ್ಕೆ ||ಅ||

ಕಂಠಕ್ಕೆ ಪ್ರಾಣ ಬಂದಾಗ ಎನ್ನ
ನೆಂಟರಿಷ್ಟರು ಬಂದಳುವಾಗ
ಗಂಟು ಹುಬ್ಬಿನ ಕಾಲಭಂಟರು ಕವಿದೆನ್ನ
ಗಂಟಲೌಕುವಾಗ ವೈಕುಂಠ ನಾರಾಯಣ ||

ನಾರಿಯು ಪುತ್ರ ಮಿತ್ರರು ಬಂಧುಗ-
ಳಾರೆನ್ನ ಸಂಗಡ ಬಾರರು
ಆರಿಗಾರಿಲ್ಯಮನಾರ್ಭಟಕೆ ಅಸು
ಹಾರಿ ಮೈ ಮರೆವಾಗ ನೀರೇರುಹನಾಭ ||

ಕರಿ ಪ್ರಹ್ಲಾದಾದಿಭಕ್ತರ ಪತಿ
ಕರಿಸಲು ಒದಗಿದೆ ಶ್ರೀಧರ ನೆರೆ
ಹೀನನೆನ್ನ ಉದ್ಧರಿಸಿ ಅಚ್ಯುತ ನಿನ್ನ
ಚರಣದೊಳಿಂಬಿಡೊ ಪುರಂದರವಿಠಲ ||