( ರಾಗ ನಾಟಕುರಂಜಿ. ಅಟ ತಾಳ)

ಎಂಥಾ ಸಣ್ಣವನೆ , ನಿನ್ನ ಮಗ-
ನೆಂಥಾ ಸಣ್ಣವನೆ ||ಪ ||
ಎಂಥ ಸಣ್ಣವನಿವನಂಥವರಿಲ್ಲವು
ಹೊಂತಕಾರಿ ಬಲವಂತರಿಗಧಿಕನು || ಅ||

ತರಳರಂತಿಪ್ಪನು ತರುಣಿಯರೊಳಾಡುವ
ಕಿರಿಬೆರಳುಗುರಿನಲಿ ಗಿರಿಯನೆತ್ತಿದವ ||

ಕಾಳಿಂಗಸರ್ಪನ ಕಾಲಿಲಿ ತುಳಿದವ
ಪಲಾಯನವ ಮಾಡಿ ಕಾಲಯವನ ಸುಟ್ಟು||

ನಿಚ್ಚ ಪಾವನ ಮಾಡಿ ಆಶ್ಚರ್ಯ ತೋರಿದ ಯಂ-
ದಚ್ಚು ಮಾಡುವಿರೆಂದು ಮುಚ್ಚಿಕೊಂಬೆಲ್ಲ ನೀ ||

ಬಾಯಿ ತೆರೆದನಲ್ಲೆ ನೀನಂಜುವಂದದಿ
ಆ ಯಮಳಾರ್ಜುನರಾಯನ ಬಿಡಿಸಿದ ||

ದಿಟ್ಟತನದಿ ಮೊಲೆಕೊಟ್ಟವಳನು ಕೊಂದ
ಕೃಷ್ಣ ಪುರಂದರವಿಠಲನರಾಯನು ||