( ರಾಗ ಸುರುಟಿ. ಆದಿ ತಾಳ)

ಎತ್ತ ಪೋದನಮ್ಮ, ವಿಪ್ರನ
ಎಲ್ಲಿ ಹುಡುಕಲಮ್ಮ ||ಪ||
ಮುತ್ತಿನ ಮೂಗುತಿ ಮುಕ್ತಿಲಿ ಬ್ರಾಹ್ಮಣ
ಇಕ್ಕೊ ಈಗಲೆಂದು ಮಾಯವಾದನು ||ಅ||

ಪಂಢರಪುರವಂತೆ, ಅಲ್ಲಿ
ಪಾಂಡುರಂಗನಂತೆ
ತಂಡತಂಡದಿ ಹರಿ ಕೀರ್ತನೆ ಮಾಡುತ
ಕಂದನ ಲಗ್ನಕೆ ಪೋಗಬೇಕೆನುತ ||

ಅಂದಿನ ದಿನದಲ್ಲಿ, ನಾರಿಯ
ಕಂಭಕ್ಕೆ ಕಟ್ಟಿರಲು
ಮಂದರೋದ್ಧರನ ಮೊರೆಯಿಟ್ಟು ಕೂಗಲು
ಬಂಧನ ಬಿಡಿಸಿ ಮುಕುತಿಯ ಕೊಟ್ಟನು ||

ಪತ್ನಿಪತಿಯರ ಕೂಡಿ, ಬಹಳ
ಅನ್ನದಾನ ಮಾಡಿ
ಕನಕಾಭರಣವನೀಯನು ಪತಿವ್ರತೆ
ಪುರಂದರವಿಠಲನ ಪಾದ ಸೇರಿದಳು ||