ಮಾನಿಸರೊಳು ಮಾನಿಸಾ

(ರಾಗ ಯಮುನಾಕಲ್ಯಾಣಿ ಆದಿ ತಾಳ )

ಮಾನಿಸರೊಳು ಮಾನಿಸಾ, ಮಾನಸವಿಠಲ ||

ಭೀಮರಥಿಯಲೊಬ್ಬ ದಾಸ ಮುಳುಗಿ ಪೋಗೆ
ಪೂಮಾಲೆ ಅಂಬರ ತೋಯದೆ ತೆಗೆದು ತಂದ ||

ಮಾನಸಕನ್ಯಾ ಮದುವೆಗೆ ಒಬ್ಬಳು
ಆ ನಾಲಿಗೆ ಸುಳ್ಳು ಪಾಲಿಗೆ ನಡೆಸಿದ ||

ಆ ಹೆಣ್ಣು ನೆರೆತಿಂದ ನೋಡ ಬಂದಣ್ಣನ
ತಾ ಹೊದ್ದ ಕಂಬಳಿಯೊಳು ಕಟ್ಟಿ ಹೊರಗಿಟ್ಟ ||

ತಾಂಬೂಲವಿತ್ತನೊಬ್ಬ ಗಂಡನುಳ್ಳವಳಿಗೆ
ಪೊಂಬಟ್ಟೆಯ ಮುಂಜೆರಗ ಕೊಯಿಸಿಕೊಂದ ||

ಕಟ್ಟಾಭೀಮನಿಗೊಬ್ಬ ಕಿಟ್ಟಕಠಾರಿಯಂತೆ
ಅಟ್ಟೆಯುರಿಯುತ ಬಂದು ಓಡಿ ಗುಡಿಯ ಪೊಕ್ಕ ||

ಮೈಲಾರ ಬೊಕ್ಕಗೆ ಹಿಂದು ಮುಂದಾಗಿದ್ದು
ಕೈಯ ಕಂಕಣವಿತ್ತು ಸೂಳೆ ಕಾಯಿದು ಬಂದು ||

ಅಂದುಂಟು ಇಂದಿಲ್ಲ ಎಂದೆನ್ನಬೇಡಿರಿ
ಎಂದಿಗಾದರು ಉಂಟು ಪುರಂದರವಿಠಲ ||