ಮುಳ್ಳಯನಗಿರಿ  ಚಿಕ್ಕಮಂಗಳೂರಿಗೆ ಸುಮಾರು ನಲವತ್ತು ಕಿ.ಮಿ. ದೂರದಲ್ಲಿರುವ ಪ್ರಕೃತಿ ಉಸಿರಾಡುವ ಸ್ಥಳ. ಉದ್ದಕ್ಕು ಹರಡಿ ನಿಂತ ಬಾಬಬುಡನ್ ಗಿರಿ ಶ್ರೇಣಿಗಳು, ಆ ಬೆಟ್ಟಗಳನ್ನೆಲ್ಲ ಆವರಿಸಿ ನಿಂತಿರುವ ಹಸಿರಿನ ಹೊದ್ದಿಗೆ,  ಆಕಾಶಕ್ಕು ಭೂಮಿಗು ಪ್ರಕೃತಿ ನಿರ್ಮಿಸಿರುವ ’ಜಾರುಬಂಡೆ’ಯಂತೆ  ಕಾಣುವ ಪರ್ವತಗಳು. ಕಾಫಿ ತೋಟ , ಹನುಮ ಹೊತ್ತುತಂದ ಸಂಜೀವಿನ ಪರ್ವತದ ಭಾಗ ಎಲ್ಲವು ಸುತ್ತವರೆದು ಸ್ಥಳದ ಆಕರ್ಷಣೆ ಹೆಚ್ಚಿಸುತ್ತದೆ. ಕನ್ನಡ ಸಿನಿಮಾ ನಿರ್ದೇಶಕರಿಗೆ (ವಿಷೇಶ ವಾಗಿ ಪುಟ್ಟಣ ಕಣಗಾಲ್) ಶಾಶ್ವತ ಹೊರಾಂಗಣ ಚಿತ್ರಿಕರಣದ ಸ್ಟುಡಿಯೋ ಆನ್ನಬಹುದೇನೊ. ಹಿಮಾಲಯ ಹಾಗೂ ನೀಲಗಿರಿಗಳ ನಡುವೆ ಸಮುದ್ರಮಟ್ಟದಿಂದ ೬೩೦೦ ಅಡಿಗಳಷ್ಟು ಎತ್ತರದಲ್ಲಿರುವ ಕರ್ನಾಟಕದ ಶೃಂಗ, ಈ ಮುಳ್ಳಯನಗಿರಿ.  ಕಡೆಯಲ್ಲಿ ಸುಮಾರು ೩೦೦ ಮೆಟ್ಟಿಲು ಹತ್ತಬೇಕಾಗಿರುವದಾದರು, ವಾಹನದಲ್ಲಿ ಹೋಗಬಹುದು. ಆದರೆ ನೀವೆ ವಾಹನ ಚಾಲನೆ ಮಾಡುವಿರಾದರೆ ಎಚ್ಚರ , ಇಲ್ಲಿ ವಾಹನ ಮುನ್ನಡೆಸಲು ಅತ್ಯಂತ ಪಳಗಿದ ಡ್ರೈವರ್ ಬೇಕಾಗಿರುತ್ತದೆ. ವಾಹನದಲ್ಲಿ ಇಳಿಯುವಾಗ ಅತಿ ಎಚ್ಚರಿಕೆಯ ಅಗತ್ಯವಿದೆ. ಮೆಟ್ಟಿಲುಗಳನ್ನು ಹತ್ತಲು ಅಂತ ಕಷ್ಟವೆಂದೇನು ಅನಿಸುವದಿಲ್ಲ. ಗಿರಿಯ ತುದಿಯಲ್ಲಿರುವ ಮುಳ್ಳಯನ ದೇವಾಲಯದಲ್ಲಿ ಹೋಗಿ ನಿಂತರೆ ಸಾರ್ಥಕ ಭಾವ. ಡಿಸೆಂಬರ್ ಹಾಗೂ ಜನವರಿಯಲ್ಲಿ ಹೋಗುವವರು ಬೆಳಗ್ಗೆ ಮುಂಚೆಯೆ ಹೋದರೆ ಆವರಿಸಿರುವ ಹಿಮವನ್ನು ಆಸ್ವಾದಿಸಬಹುದು. 

 

 

 

 

 

 

ನಾವು ಹತ್ತುವದೇನು ಮಹಾ ನಮಗಿಂತ ಮೊದಲೆ ಅಲ್ಲಿ ಇದ್ದ ದನಗಳನ್ನು ನೋಡಿ