ಶಿವನಿಗೆ ಜೋಗುಳ
ಮಲಗು ಮಲಗೆಲೆ ಕಂದಾ ಜೋ! ಜೋ !
ಮಲಗು ಎನ್ನಾನಂದಾ ಜೋ! ಜೋ !
ನಿದ್ದೆಯೂರದು ಚೆಂದ ಜೋ! ಜೋ !
ಮುದ್ದು ಕಂದಾ ಮಲಗು ಜೋ! ಜೋ !
ಶುದ್ಧ ಚಿತ್ತನೆ ಮಲಗು ಜೋ! ಜೋ !
ನಿತ್ಯ ಸಿದ್ಧನೆ ಮಲಗು ಜೋ! ಜೋ !
ಉತ್ತಮರೊಳುತ್ತಮನೆ ಜೋ! ಜೋ !
ಸಚ್ಚಿದಾನಂದನೇ ಜೋ! ಜೋ !
ನಿನಗಾಗಿ ಜಗದುದಯ ಜೋ ಜೋ !
ನಿನಗಾಗಿ ಜಗದ ಲಯ ಜೋ ಜೋ !
ಪರಬ್ರಹ್ಮನೈ ನೀನು ಜೋ ಜೋ !
ಶಿವ ನೀನು! ಶಿವ ನೀನು! ಜೋ ಜೋ !
ಕಂದಾ! ಪರಂಜ್ಯೋತಿ ಜೋ ಜೋ !
ಪುಣ್ಯಾತ್ಮನಚ್ಯುತನೆ ಜೋ ಜೋ !
ಶಿವ ನೀನು! ಶಿವ ನೀನು! ಜೋ ಜೋ !
ಶಿವ ನೀನು ಜೋ! ಶಿವ ನೀನು ಜೋ!
ಜೋ ಜೋ ಜೋ!
೧೭-೧೨-೧೯೨೬
ಮೂಲ: ಕಣಜ
ಪುಸ್ತಕ: ಮರಿ ವಿಜ್ಞಾನಿ
ಲೇಖಕರು: ಕುವೆಂಪು
ಪ್ರಕಾಶಕರು: ಉದಯರವಿ ಪ್ರಕಾಶನ ಮೈಸೂರು
ಚಿತ್ರ ಮೂಲ :https://encrypted-tbn3.gstatic.com/images?q=tbn:ANd9GcRGOxf69GJSzncuvHiL...
ಪ್ರತಿಕ್ರಿಯೆ (1)
' ಶಿವನಿಗೆ ಜೋಗುಳ' ಪದ್ಯ ಚೆನ್ನಾಗಿದೆ, ಇದನ್ನು ನಿಮ್ಮ ಸ್ವರಚನೆಯೆಂದೆ ಭಾವಿಸಿದ್ದೆ ಆದರೆ ಕೊನೆಗೆ ನೋಡಿದಾಗ ಇದು ಕುವೆಂಪು ರಚನೆಯಂದು ನಮೂದಿಸಿರುವುದು ಕಂಡು ಬಂತು, ಕುವೆಂಪುರವರ ಸುಂದರ ಕೃತಿಯೊಂದನ್ನು ನಮಗೆ ನೀಡಿದ್ದೀರಿ ಧನವ್ಯವಾದಗಳು.
ನಾನು ಸಹ ಅಚನಕ್ಕಾಗಿ ಓದಿದಾಗ ಕುವೆಂಪುರವರ ಕವನ ಎಂದು ಆಶ್ಚರ್ಯಪಟ್ಟೆ. ಅದು ತಾರೀಖಿ ಗಮನಿಸಿ. ೧೯೨೬ ರಷ್ಟು ಹಳೆಯದು. ಎಲ್ಲರ ಗಮನಕ್ಕೆ ತರಲು ಹಾಕಿದ್ದೆ, ಆದರೆ ಎಷ್ಟು ಜನ ಕಡೆಯವರೆಗೂ ನೋಡುವರು ಗೊತ್ತಿಲ್ಲ :-)
ಇದು ಇವನೆ ಕಾಲ ಕಳೆಯಲು ಬರೆದಿರುವ ಎಂದು ಸುಮ್ಮನಾಗಿಬಿಡುವರು ... ಕಡೆಯವರೆಗೂ ನೋಡದೆ ...
ಸುಮ್ಮನೆ ತಮಾಷಿಗೆ ಹೇಳಿದೆ ..:-)