ಕವನ

"ಪರಿಸರ (ಅ)ಪ್ರಜ್ಞೆ"

 

|| ದುಷ್ಟ ಮನುಜನ ಪ್ರಕೋಪಕೆ ಬಲಿಯಾಗಿ

ಅಳಿದವು ತರುಲತಾದಿಗಳು

ಉರುಳಿದವು ದೈತ್ಯವೃಕ್ಷಸ೦ಕುಲಗಳು

ಬತ್ತಿದವು ಕೆರೆನದಿಜಲಪಾತಗಳು

ನಶಿಸಿದವು ಜೀವಕೋಟಿಗಳು ||


|| ಅಡೆತಡೆಗಳಿಲ್ಲವೇ?.......ಈ ಹುಲುಮಾನವನಾಸೆಗೆ

ಶೂನ್ಯದೆಡೆಗೆ ಕ್ರಮಿಸುವ ಹಾದಿ ಇದು

ಅಳಿದರೂ ಅಳಿಯದ ಆತ೦ಕಕಾರಿ ನಿರ್ಲಜ್ಜನಿವನು

ಉಳಿಯಗೊಡದೆ ಸಮತೋಲನ ಪ್ರಕೃತಿಯ

ಜೀವಕುಲ ನಾಶ ಮಾಡುವ ಪಾಪಿಯಾಗಿಹನು ||


|| ಧರಿತ್ರಿ ಬಾಳಬಲ್ಲಳು, ನಾವು-ನೀವಿಲ್ಲದೆ

ಮಳೆ-ಬೆಳೆಯಿಲ್ಲ ಗಿಡಮರಗಳಿಲ್ಲದೆ

ಹಸಿರು ನು೦ಗುತ್ತಿರುವ ರಾಕ್ಷಸರೇ

ನಾವು ಬೆ೦ದು ಸಾಯುವೆವು ಅವಳಿಲ್ಲದೇ

ಮನೆ-ರಸ್ತೆಗಾಗಿ ಮರಗಳನು ಕೊಲ್ಲಬೇಡಿ ಕಾರಣವಿಲ್ಲದೇ..||


|| ಪರಿಸರ(ಅ)ಪ್ರಜ್ಞೆಯ ಬೇತಾಳ ಕಾಡದೆ

ನಾವು-ನೀವೆಲ್ಲಾ ಅಪರಾಧಿಯಾಗಿರುವೆವು

ಇನ್ನಾದರೂ ಎಚ್ಚೆತ್ತುಕೊಳ್ಳಿ ಉದ್ಧಟತನ ತೋರದೆ

ಒ೦ದು ಮರ ಕಡಿದರೆ ನೆಡಿರಿ ಮತ್ತೊ೦ದು ಗಿಡವ

ನೆಲ-ಜಲ ಉಳಿಸಿ, ಕಿ೦ಚಿತ್ತಾದರೂ ಇ೦ದು-ಮು೦ದಿಗೆ

ಎಲ್ಲರೂ ಸೇರಿ ತಡೆಯೋಣ ಸ್ವಲ್ಪವಾದರೂ

ಮುಗ್ಧ ರೈತರ ನಿಲ್ಲದ ಆತ್ಮಹತ್ಯೆಗಳನು.............. ||