ಕುಮಾರವ್ಯಾಸ ಭಾರತ

ತಮ್ಮ ವಚನಭಾರತಕ್ಕಾಗಿ ೧೯೫೦ರಲ್ಲಿ ಮೊದಲ ಮುದ್ರಣದ ಪೀಠಿಕೆಯಲ್ಲಿ ಕೃಷ್ಣಶಾಸ್ತ್ರಿಗಳು ಈ ಕೆಳಕಂಡ ಮಾಹಿತಿ ಕೊಟ್ಟಿದ್ದಾರೆ. "ಮಹಾಭಾರತವು ಬಹು ದೊಡ್ಡ ಗ್ರಂಥ; ಹರಿವಂಶವೂ ಸೇರಿದರೆ ಒಂದು ಲಕ್ಷಶ್ಲೋಕಗಳಿಗಿಂತ ಹೆಚ್ಚಾಗುತ್ತದೆ......... ಸಂಸ್ಕೃತ ತಿಳಿದವರೂ ಅದನ್ನು ಆಮೂಲಾಗ್ರವಾಗಿ ಓದಿ ಜೀರ್ಣಿಸಿಕೊಳ್ಳುವುದು ಸುಲಭಸಾಧ್ಯವಲ್ಲ........ ಲೋಕೋಪಕಾರಬುಧ್ಧಿಯೂ, ಭಗವದ್ಭಕ್ತಿಯೂ, ಸರಸ್ವತೀ ಪ್ರಸಾದವೂ ಉಳ್ಳ"ಕುಮಾರವ್ಯಾಸ" ನಂಥವರು ಅದನ್ನು ಕನ್ನಡಿಸಿದರು. ನಾರಣಪ್ಪನ ಭಾರತ ಕನ್ನಡ ಸಾಹಿತ್ಯದ ಗೋಪುರಕ್ಕೆ ಇಟ್ಟಿರುವ ಬಂಗಾರದ ಕಳಶಗಳಲ್ಲಿ ಒಂದು. ಆದರೂ ಅದು ಪದ್ಯ; ಅದರ ಭಾಷೆ ನಡುಗನ್ನಡ; ಸಾಮಾನ್ಯಜನಕ್ಕೆ ಅದನ್ನು ಓದುವಷ್ಟೂ ತಾಳ್ಮೆ ಭಾಷಾಜ್ನಾನಗಳು ಇಲ್ಲ. ಪಂಪಭಾರತವಂತೂ ಪ್ರೌಢ ಚಂಪೂಕಾವ್ಯ; ಅದನ್ನು ಓದುವುದಕ್ಕೆ ಪಾಂಡಿತ್ಯ ಬೇಕು. ಇದನ್ನು ಕಂಡು ಮುಮ್ಮಡಿ ಕೃಷ್ನರಾಜ ಒಡೆಯರವರು ಸಂಸ್ಕೃತ ಮಹಾಭಾರತವನ್ನು ಅಕ್ಷರಶಃ ಭಾಷಾಂತರ ಮಾಡಿಸಿದರು*. ಆದರೆ ಅದು ಹಲವು ದೊಡ್ಡ ಸಂಪುಟಗಳಲ್ಲಿದೆ; ಆದ್ದರಿಂದ ಬೆಲೆ ಹೆಚ್ಚು; ಅವು ಎಷ್ಟೋ ವರ್ಷಗಳ ಹಿಂದೆಯೇ ಮುಗಿದು ಹೋಗಿ ಪುಸ್ತಕಭಂಡಾರಗಳಲ್ಲಿ ಅಲ್ಲೊಂದುಇಲ್ಲೊಂದು ಸಿಕ್ಕುವ ಪ್ರತಿಯೂ ತುಂಬಾ ಜೀರ್ಣವಾಗಿರುತ್ತದೆ. ಈಚೆಗೆ ದಿ. ದೇವಶಿಖಾಮಣಿ ಅಳಸಿಂಗರಾಚಾರ್ಯರು ಮಹಾಸಾಹಸ ಮಾಡಿ ಅದನ್ನು ಆಮೂಲಾಗ್ರವಾಗಿ ಭಾಷಾಂತರಿಸಿ ಪ್ರಕಟಿಸಿದರು** ಇದು ಮುಖ್ಯವಾಗಿ ದಾಕ್ಷಿಣಾತ್ಯ ವಿಸ್ತಾರ ಪಾಠವನ್ನು ಅನುಸರಿಸಿದೆ; ಏಕರೂಪವಾದ, ಸುಲಭವಾದ, ಶುಧ್ಧವಾದ, ಹೊಸಗನ್ನಡದಲ್ಲಿದೆ; ಸಚಿತ್ರವಾಗಿ ಹಿಡಿತವಾಗಿ ಇದೆ. ಆದರೂ ಹಲವು ಸಂಪುಟಗಳಲ್ಲಿರುವುದರಿಂದ, ಹೆಚ್ಚು ವಿವರಗಳನ್ನು ಅಪೇಕ್ಷಿಸದೆ ಕಥೆಯನ್ನು ಓದಿಕೂಂಡುಹೋಗಬೇಕೆನ್ನುವರಿಗೆ ಇದು ತುಂಬಾ ಭಾರವಾಗುತ್ತದೆ............................................................................................................ ........................................................................................................................ ......ಇನ್ನೂ ಸ್ವಲ್ಪ ವಿಸ್ತಾರವಾಗಿ, ಉಪಕಥೆ, ನೀತಿ ಧರ್ಮ ಎಲ್ಲವನ್ನೂ ಒಳಕೊಂಡು, ಸರಳವಾದ ಗದ್ಯದಲ್ಲಿ ಬರೆದ, ಒಂದು ಸಂಪುಟದಲ್ಲಿರುವ, ಜನಸಾಮಾನ್ಯಕ್ಕೆ ನಿಲುಕುವಂಥ ಒಂದು ಕನ್ನಡ ಭಾರತ ಬೇಕಾಗಿತ್ತು; ಈ ಅಭಿಪ್ರಾಯ ನಾನು ವಿದ್ಯಾರ್ಥಿಯಾಗಿದ್ದಾಗಲೇ ಇತ್ತು; ಉಪಾಧ್ಯಾಯನಾಗಿದ್ದಾಗ ಅದರ ಅವಶ್ಯಕತೆ ಆಗಾಗ್ಗೆ ತೋರುತ್ತಲೇ ಇತ್ತು. ಆದ್ದರಿಂದ ಸ್ಪಷ್ಟವಾದ ಸೂಚನೆ ಬಂದ ಕೂಡಲೆ ಅದನ್ನು ಮನಸಾರೆ ಕೈಗೊಂಡೆ..." ___________________________________________________________________ * - "ಕೃಷ್ನರಾಜ ವಾಣೀವಿಲಾಸವೆಂಬ ಮಹಾಭಾರತದ ಕನ್ನಡ ಟೀಕು"- ರಚನೆ ಕ್ರಿ. ಶ. ೧೮೨೦ ** - " ಶ್ರೀ ಮಹಾಭಾರತವು -ಕರ್ಣಾಟಕ ವಚನವು" -ರಚನೆ ೧೯೩೨-೩೩ __________________________________________________________________ ನವರತ್ನಸುಧೀರ್