ಚಾರಣ ಎಲ್ಲರಿಗೂ ಗೊತ್ತು.

ಕಾರಣ=?

ಕಾರಣ=ಕಾರಲ್ಲಿ +ಪಯಣ.

ಪೂರ್ವಪದದ ಕೊನೆಯ ಅಕ್ಷರ ಹಾಗೂ ಉತ್ತರಪದದ ಮೊದಲೆರಡು ಅಕ್ಷರಗಳು ಲೋಪವಾಗುವ ಝೆನ್ ಸಂಧಿ ಇದು.

ಇನ್ನೊಂದು ಕಾರಣವೂ ಇದೆ. ಕಾರಿನ+ರಣ=ಕಾರಣ.(ಭಜ್ಜಿ ಸಂಧಿ)

(ರಣ=ಆಸೆ.ತುಳುವಿನಿಂದ ಕನ್ನಡಕ್ಕೆ ಆಮದಾದ ಶಬ್ದ).ಮನೆಯಲ್ಲಿ ರಾಶಿ ಕಾರುಗಳಿದ್ದರೂ ಯಾವುದೇ ಹೊಸ ಕಾರು ಬಂದರೂ, ಕೊಂಡು ಪ್ರದರ್ಶನ ಮಾಡುವುದು.

ಸಿಬ್ಬಂದಿಯನ್ನು ಓಡಿಸಿ, ತಾನೇ ಕಾರನ್ನು ಓಡಿಸಿದಾಗ ಇದೇ "ರಾಹು ಸಂಧಿ"ಯಾಗುವುದು.

’ಋಣ’(loan)ಮಾಡಿ ಕಾರು ತೆಗೆದುಕೊಳ್ಳುವುದು- ’ಕಾಋಣ’. ’ಋ’ ಣ  ಕಷ್ಟವಾದವರು ಕಾರಣ ಎನ್ನುತ್ತಾರೆ. ತಪ್ಪಲ್ಲ. ಆದರೆ-

"ರಾಜಕಾರಣಿ" ಪದ ಪ್ರಯೋಗ ತಪ್ಪು.

ಹಿಂದೆ ರಾಜರಂತೆ ಕಾರಲ್ಲಿ ಪಯಣಿಸುತ್ತಿದ್ದವರನ್ನು-ರಾಜಕಾರಣಿ ಎನ್ನುತ್ತಿದ್ದರು. ಆ ಕಾಲಕ್ಕೆ ಅದು ಸರಿ. ಈಗ?

ಕೊನೆಯದಾಗಿ "ಹೇಳಿ ಹೋಗು-ಕಾರಣ"=

ಕಾರಲ್ಲಿ ಹೋಗುವ ಮೊದಲು ಕಾರಿನ ಕನ್ನಡಿ ಇಳಿಸಿ "ನಮಸ್ತೆ, ಶಬ್ಬಖೈರ್" ಹೇಳಿ ಹೋಗುವುದು. :)

ವ್ಯಾ-ಕಾರಣ ಪಾಠ ೨ ಮುಗಿಯಿತು.

ಇನ್ನು  "ಅಪಘಾತ-ಕಾರಣ-ಅಗಲ ರಸ್ತೆ" ಬಗ್ಗೆ ನಾಳೆ ಬರೆಯುವೆನು.

-ಗಣೇಶ.