ಅಡವಿಯ ರಾಜನಾಗಿ ಮೆರೆಯುತ್ತಿದ್ದ ಸಿಂಹಕ್ಕೆ ಮಾಡಿದಷ್ಟು ಅವಮಾನ ಬೇರೆ ಯಾವ ಪ್ರಾಣಿಗೂ ಮಾಡಿರಲಿಕ್ಕಿಲ್ಲ.

ಅದೇನೂ ಕೇಳಿರಲಿಲ್ಲ. ಆದರೂ ಅದನ್ನು ರಾಷ್ಟ್ರ ಪ್ರಾಣಿಯಾಗಿ ಮಾಡಿದರು. ಕೊನೆಗೆ ವಿನಾಕಾರಣ ಆ ಪದದಿಂದ ಕಿತ್ತೂ ಹಾಕಿದರು.

ಸಿಂಹಾಸನ, ಸಿಂಹಘರ್ಜನೆ, ಸಿಂಹಾವಲೋಕನ ಪದಗಳಿಗಿದ್ದ ಮರ್ಯಾದೆಯನ್ನೂ, ಸಾಮಾನ್ಯ ರಾಜಕಾರಣಿಗಳ ಸೀಟು, ಮಾತು,ವರ್ತನೆಗೆ ಹೋಲಿಸಿ ತೆಗೆದರು.

ಈಗ "ಸಿಂಹ" ಅಂದರೆ simಆ!? ಅನ್ನುವಲ್ಲಿಯವರೆಗೆ ಬಂದು ಮುಟ್ಟಿದೆ :( 

  ಪ್ರೊಜೆಕ್ಟ್ ಟೈಗರ್ ಎಂದು ಮಾಡಿ ೧೯೭೩ರಲ್ಲಿ ಹುಲಿಯನ್ನು ರಾಷ್ಟ್ರ ಪ್ರಾಣಿಯಾಗಿ ಮಾಡಿದರು.

ಏನೂ ಪ್ರಯೋಜನವಾಗಲಿಲ್ಲ. ಹುಲಿ ಸಂತತಿ ಕ್ಷೀಣಿಸುತ್ತಿದೆ ಎಂದು ಬೊಬ್ಬಿಡುತ್ತಿದ್ದಾರೆ. ೩೭ ವರ್ಷ ಅವಕಾಶ ಕೊಟ್ಟರೂ ತನ್ನ ಸಂತತಿ ವೃದ್ಧಿಮಾಡಿಕೊಳ್ಳಲಾಗದ ಹುಲಿಯನ್ನು ಆ ಪಟ್ಟದಿಂದ ಇಳಿಸಬೇಕು.

 ಬೇರೆ ಯಾವ ಪ್ರಾಣಿ "ರಾಷ್ಟ್ರ ಪ್ರಾಣಿ"ಯಾಗಲು ಫಿಟ್?

-ಯಾವ ಪ್ರಾಣಿಯನ್ನು ಕಂಡರೆ ನಾಡಲ್ಲೂ ಕಾಡಲ್ಲೂ ಭಯ ಆವರಿಸುವುದೋ-

-ತನ್ನ ಸೊಂಡೀಲಿ(some deal)ನಿಂದ ಕಾಡಿಗೆ ಕಾಡನ್ನೇ ಗಣಿಂ(ಗುಳುಂ) ಮಾಡುವುದೋ-

-ನಾಡಿಗೆ ನುಗ್ಗಿದವೋ ರೈತರ ಭೂಮಿ,ಮನೆ ಎಲ್ಲಾ ಗೋವಿಂದಾ ಆಗುವುದೋ-

-ಯಾವುದರ ಸಂತತಿ ವರ್ಷದಿಂದ ವರ್ಷ ಕೊಬ್ಬುತ್ತಾ ಸಾಗಿದೆಯೋ-

ಆ ಪ್ರಾಣಿಯನ್ನು ಮಾಡಲಿ.

 

-ಗಣೇಶ.