ಭುಗಿದೇಳುತ ಬಿಸಿ ಹೊಗೆಯುಗುಳುತ

ಪ್ರತಿಫಲಿಸುತ ಕಣ್ಕೊರೆಯುತ

ಚಲಿಸುವ ವಾಹನ ವೇಗದಿ ಚೀರುತ

ನೆತ್ತಿಯು ಸುಡುತ ರವಿ ಮೇಲೇರುತ

ಅರಚುತ ಪಾದವ ಕಾದಿಹ ರಸ್ತೆ

ಪಟ್ಟಣ ಪರ್ವತ ಪರಿತಪಿಸುತ

ಬಿರು ಬಿಸಿಲಿಗೆ ಬೇಯುತ ಬೇಡಿವೆ

ಇಳೆ ಕಾದಿದೆ ಹೊಳೆ ಕೇಳಿದೆ ಮಳೆ

ದಣಿದಿದೆ ದರಣಿ ಸುರಿಯಲಿ ಮಳೆಹನಿ

ಬಾಯಾರಿದೆ ಭುವನದಿ ಜೀವನ

ಸುರಿಯಲಿ ಮಳೆಹನಿ ಸುರಿಯಲಿ ಮಳೆಹನಿ

ಹಸಿರುಸಿರಲಿ ಚಿಗುರಲಿ ಮರಗಿಡ

ಇಳೆ ತಣಿಯಲಿ ಮನ ತಣಿಯಲಿ

ತನು ತಣಿಯಲಿ ಮೀಯಲಿ ತನು ಮನ ಮಳೆಯಲಿ

ಮಳೆ ಸುರಿಯಲಿ ಮಳೆ ಸುರಿಯಲಿ.