ಅರ್ಥವಿಲ್ಲದ ಸಾಲುಗಳು,,,

ಉದ್ದ ಮಣ್ಣಿನ ರಸ್ತೆಯಲಿ ಸಾಗುವಾಗ

ಅಕ್ಕ ಪಕ್ಕದ ಮುಳ್ಳಿಗೆ ಹೆದರಿದರೆ ?

ದಾರಿ ಸಾಗುವುದೇ, 

-----------------------------------------

ಸವೆದ ಚಪ್ಪಲಿಯ ಗುರುತು ಹೇಳಬೇಕು

ಎಲುಬಿರದ ನಾಲಿಗೆಯಲ್ಲ,

ತಾನೇನು ಮಾಡಿದ್ದೇನೆಂದು

-----------------------------------------

ಹೊಟ್ಟೆ ತುಂಬಿದ ಮೇಲೆ, ಜೀವಂತ 

ಜಿಂಕೆಯೂ ಹುಲಿಗೆ ಸ್ನೇಹಿತನೇ,,,

ಅತಿಯಾಸೆ ಹುಲಿಗಿಲ್ಲ

------------------------------------------

ಅತೀ ಉಗ್ರ  ಬೆಂಕಿಯೂ ತಣ್ಣಗಾಗುವುದು

ನೀರನು ಹರಿಬಿಟ್ಟ  ಮೇಲೆ

ಕ್ರೋದ ಕೊಂಚವೂ ಉಳಿಯದಂತೆ

-----------------------------------------

ಅತೀ ಸಿಹಿ ಹಣ್ಣಿಗೆ, ಕಲ್ಲುಗಳು ಹೆಚ್ಚು 

ಕಿತ್ತು ತಿನ್ನುವ  ಕಣ್ಣುಗಳೂ ಹೆಚ್ಚು

ಹಾಗೆಂದು ಹಣ್ಣು ಕಹಿಯಾಗುವುದೇ ?

-----------------------------------------

ಮಧ್ಯ ಕಾಡಿನ ಮರ ಹಸಿರಾಗಿರುವುದಿಲ್ಲವೇ?

ನೀರು-ಬೇಲಿ ಹಾಕುವವನ ಹಂಗಿಲ್ಲದೆ!!

ಬೇಕಿರುವುದು ಸ್ವಾತಂತ್ರ್ಯ,,,, ಬೇಲಿಯಲ್ಲ,

-------------------------------------------

ಗಿಡವ ಕಂಡು, ಚಿಕ್ಕದೆಂದು ಮರ ನಗುವುದೇ?

ಸಾಸಿವೆ ಗಾತ್ರದಲಿ ಬೀಜದಲಿ, ಮರ ಹೇಗೆ ಅಡಗಿತ್ತು

ಆಕರಕ್ಕೂ, ಒಳ ಶಕ್ತಿಗೂ ಸಂಬಂದವಿಲ್ಲ