ಮಾರುತಿ ಭಜನೆ 

ರಾಗ : ರೇವತಿ  ತಾಳ : ಆದಿ

 

ಮತಿ ನೀಡೆನಗೆ ನೀ ಮಾರುತಿ ನಾ,

ನುತಿಸುತಿಹೆನು ನಿನ್ನ ಕೀರುತಿ ||

 

ಧೃತಿಗೆಡದಂತೆ ಈ ಹುಲುಮಾನವನನು

ಸ್ಮೃತಿಯನುಳಿಸುತಲಿ ವರ ನೀ ಕಾಯೋ ||

 

 

ಹರಿ ನೀ ಹರಿಸುತನೆ , ಹರಿಸುತ ನೀ ಕರುಣೆ 

ಪರಿಪಾಲಿಸು ನೀ ಮೂಜಗವನ್ನೇ  ||

ಪರಿಪರಿಯಿಂದಲಿ ಮಾಡುವೆ ಸ್ಮರಣೆ

ವರವಾನರನೇ ದರುಶನವೀಯೋ ||

 

ಮತಿ ನೀಡೆನಗೆ ನೀ ...

 

[ಸೂ: ಹರಿ ಎಂದರೆ ಕಪಿ, ವಾಯು, ವಿಷ್ಣು ಹೀಗೆ ಬಹಳ ಅರ್ಥಗಳಿವೆ.]

(ಬಹಳ ವರ್ಷಗಳ ಹಿಂದೆ ಚಿಕ್ಕಮಗಳೂರಿನ ಜಯಪುರದಲ್ಲಿ ಅಷ್ಟಾವಧಾನ ಕಾರ್ಯಕ್ರಮದಲ್ಲಿ ಪ್ರಶ್ನೆ ಕೇಳಲು ಕುಳಿತಾಗ ರಚಿಸಿದ ಪದ್ಯ)