ಕನ್ನಡ ವ್ಯಾಕರಣ - ಒಂದಿಷ್ಟು ತಿಳಿಯೋಣ

ಅಕ್ಷರಗಳು

ಅಕ್ಷರ :

ಕ್ಷರ ಎಂದರೆ ನಾಶವಾಗುವಂತದ್ದು. ಅಕ್ಷರ ಎಂದರೆ ನಾಶವಾಗದಿರುವುದು , ಅಂದರೆ ಶಾಶ್ವತವಾಗಿರುವುದು.

ಅಕ್ಷರವನ್ನು ಗುರುತಿಸುವ ಚಿಹ್ನೆ ಎಂದರೆ 'ಲಿಪಿ'

ಲಿಪಿ ಬದಲಾಗಬಹುದು ಆದರೆ ಅಕ್ಷರ ಬದಲಾಗದು.

ಇಂತಹ ಅಕ್ಷರಗಳ ಸರವನ್ನು ಅಕ್ಷರಮಾಲೆ ಅಥವ ವರ್ಣಮಾಲೆ ಎಂದು ಕರೆಯುವರು.

ಕನ್ನಡ ಅಕ್ಷರಗಳು ೪೭ ಕೇಶಿರಾಜನ ಪುಸ್ತಕದಂತೆ. ಸಂಸ್ಕೃತದ ಪ್ರಭಾವದಿಂದ ಋ ೠ ಶ ಷ ವಿಸರ್ಗ (:) ಗಳೆಲ್ಲ ಸೇರಿ ೫೨ ಅಕ್ಷರಗಳಾದವು ಹಳೆಗನ್ನಡದಲ್ಲಿ ಬಳಕೆಯಲ್ಲಿದ್ದ ಱ ಳ ( ಹಳೆಗನ್ನಡದ ಳವನ್ನು ಒತ್ತಲಾಗುತ್ತಿಲ್ಲ ) ಬಿಟ್ಟು ೫೦ ಅಕ್ಷರಗಳು.

ಕನ್ನಡಭಾಷೆಯಲ್ಲಿ ಹಳೆಗನ್ನಡ ನಡುಗನ್ನಡ ಹಾಗು ಹೊಸಗನ್ನಡ ಎಂಬ ಬಗೆಗಳಿವೆ

ಕನ್ನಡ ಹಾಗು ಸಂಸ್ಕೃತದ ಸಂಬಂಧ ಅಪಾರವಾಗಿದೆ.

ಹಾಗಾಗಿ ವ್ಯಾಕರಣವು ಸಂಸ್ಕೃತದ ವ್ಯಾಕರಣವನ್ನು ಅನುಸರಿಸಿ ಬರೆಯಲಾಗಿದೆ

ಶುದ್ಧವಾಗಿ ಮಾತನಾಡಲು ಬರೆಯಲು ವ್ಯಾಕರಣ ಶಾಸ್ತ್ರದ ಅಗತ್ಯವಿದೆ