ಹಾಡು ಬೇಕಾಗಿತ್ತು.

ಗಿರೀಶ ರಾಜನಾಳ ಅವರಿಗೆ ನಮಸ್ಕಾರ! ನೀವು ಅಪೇಕ್ಷಿಸಿರುವ ಹಾಡಿನ ಸಾಹಿತ್ಯ ಇಲ್ಲಿದೆ. =========================== ಧವಳ ಹಿಮದ ಗಿರಿಯ ಮೇಲೆ ಅರುಣ ಧ್ವಜವ ಹಾರಿಸಿ ಮುಗಿಲ ಏಣಿ ಏರಿ ನಿಂದು ವಿಜಯಭೇರಿ ಬಾರಿಸಿ ||ಪ|| ಸಿಂಧು ಕಣಿವೆಯೊಡಲಿನಿಂದ ವೀರಗಾನ ಮೊಳಗಲಿ ಧ್ಯೇಯರವಿಯ ಕಿರಣ ತರುಣರೆದೆಯ ಗುಡಿಯ ಬೆಳಗಲಿ ಎದ್ದು ನಿಲ್ಲು ಭಾರತ..... ದಿವ್ಯಪ್ರಭೆಯ ಬೀರುತ ||೧|| ಮನವ ಹಸಿರುಗೊಳಿಸುತಿಹಳು ಭಾವಗಂಗೆ ಅನುದಿನ ಇಳೆಯ ಕೊಳೆಯ ತೊಳೆಯುತಿಹಳು ತಾಯಿ ಗಂಗೆ ಕ್ಷಣಕ್ಷಣ ನೆಲವಿದೆಮ್ಮ ಪಾವನ..... ಎನಿತು ಧನ್ಯ ಜೀವನ ||೨|| ನಾಡಗುಡಿಯ ಮೂರುಕಡೆಯು ಪೊರೆವ ಶಾಂತ ಸಾಗರ ಹಿಂದುಜನರ ಹೃದಯವಿಂದು ಕ್ಷಾತ್ರತೇಜದಾಗರ ಸ್ಫೂರ್ತಿ ಗೌರಿಶಂಕರ...... ಕಾಲಯಮನು ಕಿಂಕರ ||೩|| ಅಸುರತನದ ಉಸಿರ ನೀಗಿ ಭೇದಭಾವ ನೀಗುತ ಸಾಗು ಮುಂದೆ ಮುಂದೆ ಸಾಗು ಮಾತೆಯನ್ನು ಸ್ಮರಿಸುತ ನಿನಗೆ ಜಯದ ಆರತಿ..... ಹರಸು ತಾಯೆ ಭಾರತಿ ||೪|| ============================ ಇದೇ ರೀತಿ ನಿಮಗೆ ಈ ಕೆಳಗಿನ ಹಾಡಿನ ಸಾಹಿತ್ಯವನ್ನೂ ನಾನಿಲ್ಲಿ ಕೊಟ್ಟರೆ ಇಷ್ಟವಾಗಬಹುದೆಂದುಕೊಂಡಿದ್ದೇನೆ. (ಇಷ್ಟೊಂದು ಒಳ್ಳೆಯ ಹಾಡಿನ ಸಾಹಿತ್ಯವನ್ನು ಕೋರಿದ್ದಕ್ಕಗಿ ಇದು ನಿಮಗೆ ಬೋನಸ್. ನನ್ನ ಬಾಯಿಪಾಠ ಸಂಗ್ರಹದಿಂದ). ವರಭವ್ಯ ಭಾರತದ ನಿರ್ಭೀತ ಸಂತತಿಗೆ... ಸಂಗ್ರಾಮಸಂಗೀತ ಹಾಡುವಾಸೆ ರಣಭೇರಿ ಕಹಳೆಗಳ ಘನಘೋರ ಗರ್ಜನೆಗೆ ನಲಿದು ನರ್ತಿಸುತ ಹೋರಾಡುವಾಸೆ... || ಪ || ಮಾನವತೆಯುದ್ಧಾರ ಮಾತೃವೈಭವಕಾರ್ಯ ಬೆವರುನೆತ್ತರು ಸುರಿಸಿ ದುಡಿಯುವಾಸೆ ದೇಶಹಿತ ಧರ್ಮಹಿತ ಸರ್ವಜನಹಿತಕಾಗಿ ಕಲಿತನದಿ ಕಾದಾಡಿ ಮಡಿಯುವಾಸೆ || ೧ || ಸವ್ಯಸಾಚಿಯ ತೆರದಿ ದಿವ್ಯಾಸ್ತ್ರಗಳ ಪಡೆದು ಮರಳಿ ಕುರುಕ್ಷೇತ್ರದಲಿ ನಿಲ್ಲುವಾಸೆ ಭೋರ್ಗರೆವ ಪಾಂಚಜನ್ಯದಾರಣಘೋಷವನು ಭೂಮಂಡಲದಿ ಬಿತ್ತರಿಸುವಾಸೆ || ೨ || ಧ್ಯೇಯದೇವನಪಥದಿ ಅರ್ಚನೆಯ ಹೂವಾಗಿ ಧನ್ಯತೆಯ ಸಂತೃಪ್ತಿ ಹೊಂದುವಾಸೆ ವ್ಯಕ್ತಿಗತ ಮಾನಾಪಮಾನಗಳ ಬದಿಗಿರಿಸಿ ಭಾರತಿಯ ಅಡಿಯ ಹುಡಿಯಾಗುವಾಸೆ || ೩ || ===============================

ನಮಸ್ಕಾರ, ಈ ವಿಷಯಕ್ಕೆ ಸಂಬಂಧಿಸಿದಂತೆ ಸ್ಪಂದಿಸಿದ ಎಲ್ಲರಿಗೂ ನಾ ಅಭಾರಿಯಾಗಿದ್ದೇನೆ. ನಿಮ್ಮವ, ಗಿರೀಶ ರಾಜನಾಳ.