ಕಳೆದು ಹೋಗುತಿಹುದಾಯುಷ್ಯ ದೇಹದಾರೈಕೆಯಲಿ

ದೇಹವನೇ  ತಾನೆಂದು  ಭ್ರಮಿಸುತ  ಮೂಡತೆಯಲಿ

ಶಾಶ್ವತವಲ್ಲದ  ದೇಹವಿದೆಂಬುದನು   ಮರೆಯುತಲಿ

ಲೌಕಿಕದಿ ಮುಳುಗಿಹೆವು ಸುಖ ಪಡೆವ ಬ್ರಾಂತಿಯಲಿ

 

ದೇಹವೆಂಬುದು  ಭವಸಾಗರದಲಿ  ದೋಣಿಯ ತೆರದಿ

ಮನಸು, ಬುದ್ದಿಗಳು ಆದ ನಡೆಸುವ ಹುಟ್ಟಿನೋಪಾದಿ

ದೇವ ನೀಡಿರುವ ಈ ದೇಹ  ಸಾಧನೆಗಾಗಿಯೆ ಎಂದು

ಹೊರಗಿಲ್ಲ ಸುಖ, ನೆಮ್ಮದಿ ಕಾಣು ನೀ ಒಳಗೆ ಬಂದು

 

ಬಾಳ್ವೆಯ  ನಡೆಸಬೇಕು  ಕೆಸರಿನಲುದ್ಬವಿಪ  ಕಮಲ ನೀನಾಗಿ

ನಂಬು ಭವದ ಸಾಗರ ದಾಟಿಸುವ ಶ್ರೀನರಸಿಂಹ ಅಂಬಿಗನಾಗಿ