ಹೇಗೆ ಮರೆಯಲಿ ಹೇಳಿ

ಬಯಸುವ ಮುನ್ನವೇ ತಂದುಕೊಡುತ್ತಿದ್ದಿದು

ಚಾಕೋಲೇಟು ,ಬಟ್ಟೆ ,ಬಿಸ್ಕತ್ತು

ತಿಂಡಿ ತಿನ್ನಿಸಿ ಶಾಲೆಗೆ ಕಳುಹಿಸುತ್ತಿದ್ದಿದು

ನನ್ನನು ನಿಮ್ಮ ಹೆಗಲ ಮೇಲೆ ಹೊತ್ತು
 

ನೆನಪಿದೆ ಹೊಟ್ಟು ಕೊಟ್ಟು ತಂದವಳೆಂದು

ಅಜ್ಜ ರೇಗಿಸಿದ ಮಾತಿಗೆ ಹತ್ತಾಗ

ಮುದ್ದಿಸಿ ಎಳನೀರು ಕುಡಿಸಿ ಒರೆಸಿದ್ದು ನನ್ನ ಕಂಬನಿ

ಎಲ್ಲರಂತಲ್ಲ ನನ್ನ ಅಪ್ಪ
 ಸ್ವಾಭಿಮಾನಿ ,ಸ್ಪೂರ್ತಿನೆಲೆ ,ಚೇತನಾಮೂರ್ತಿಯೆಂದು

ಯಾವಾಗಲು ಸಾರಿ ಹೇಳುವುದು ನನ್ನ ಮನದ ದನಿ
 

ಎಷ್ಟು ಹೊಗಳಲಿ ಹೇಳಿ

ನಿಮ್ಮ ಕೆಲಸ,ಆಯ್ಕೆಯ ಗುಣಮಟ್ಟವ

ನೀವು ತೋರುವ ನಿಸ್ವಾರ್ಥ ವಾತ್ಸಲ್ಯವ
ನನ್ನ ಒಳಿತಿಗಾಗಿ ನೀವು ಪಟ್ಟ ಕಷ್ಟವ

ನನ್ನ ಕಷ್ಟಗಳಲಿ ನೀಡಿದ ಸಂತ್ವಾನವ
 

ಗೆಳಯರು ,ಆದರ್ಶ ವ್ಯಕ್ತಿಗಳ ಪಟ್ಟಿಯಲ್ಲಿ
ಬರುತ್ತಿದುದು ನಿಮ್ಮದೇ ಮೊದಲ ಹೆಸರು
ಬಯಸುವುದು ವಿಧಿ ಬರೆದಿರಲಿ ನನ್ನ ಹಣೆಯಲ್ಲಿ

ನೀವಿರುವರೆಗೆ ಮಾತ್ರ ಇರಲಿ ಈ ಉಸಿರು

                                                                        ಬೋ . ಕು .ವಿ