ಇಬ್ಬರು ಸನ್ಯಾಸಿಗಳು ಒಂದು ತುಂಬಿ ಹರಿಯುತ್ತಿರುವ ಹೊಳೆಯನ್ನು ದಾಟುತ್ತಿರುವಾಗ ಒಬ್ಬ ಹರೆಯದ ಸುಂದರ ತರುಣಿ ಹೊಳೆಯನ್ನು ದಾಟಲು ಅವರ ಸಹಾಯ ಕೇಳಿದಳು. ಅವರಲ್ಲೊಬ್ಬ ಸಹಾಯ ಮಾಡಲು ಒಪ್ಪಿ ಅವಳನ್ನು ಹೊತ್ತುಕೊಂಡು ನದಿಯನ್ನು ದಾಟಿಸಿ ಅವಳನ್ನು ಇಳಿಸಿದ.
ಅವರು ಮುಂದೆ ಹೊರಟರು . ಎರಡನೇ ಸನ್ಯಾಸಿ ಏನನ್ನೋ ಯೋಚಿಸುತ್ತಿದ್ದ. ಹೀಗಾಗಿ ಅವರು ಮೌನವಾಗಿ ಸ್ವಲ್ಪ ದೂರ ಸಾಗಿದ ನಂತರ ಎರಡನೇ ಸನ್ಯಾಸಿ ಮೊದಲನೇಯವನನ್ನು ಕೇಳಿದ. - "ನೀನು ಮಾಡಿದ್ದು ತಪ್ಪಲ್ಲವೆ? " . ಮೊದಲನೇಯವನಿಗೆ ಪ್ರಶ್ನೆ ಅರ್ಥವಾಗದೆ "ಯಾವದು? " ಎಂದ.
ಎರಡನೇಯವನು - " ಅದೇ ನಾವು ಸನ್ಯಾಸಿಗಳು ಸ್ತ್ರೀಂiಯನ್ನು ಸ್ಪರ್ಶಿಸಬಾರದಲ್ಲವೆ? ನೀನು ಅವಳನ್ನು ಹೊತ್ತುಕೊಂಡೆ? ! "
ಅದಕ್ಕೆ ಮೊದಲನೇಯವನು ಹೇಳಿದ- " ನಾನು ಅವಳನ್ನು ಹೊತ್ತುಕೊಂಡದ್ದು ನಿಜ; ಆದರೆ ನಾನು ಅವಳನ್ನು ಅಲ್ಲೇ ಇಳಿಸಿದೆ, ನೀನು ಇನ್ನೂ ಅವಳನ್ನು ಮನಸ್ಸಿನಲ್ಲಿ ಹೊತ್ತುಕೊಂಡಿದ್ದೀಯ! ".