No man can cross a river twice.

ಕಾಲ ಹರಿಯುತ್ತದೆ

ಸರಿಯುತ್ತದೆ ನದಿಯಂತೆ

ಹರಿವ (ದ) ನದಿಯನು ದಾಟಿದೆ

ಎನ್ನುವ ಮಾತಿಗೇನು ಅರ್ಥ ?

ಅಲೆಮಾರಿ ನಿನಗೆ ನಿಂತ ಕಾಲ(ಲು)

ನೆಲವೆಲ್ಲ ಬರೀ ಹಗಲುಗನಸು

ನೆಲೆ ನಿಲ್ಲುವ ಪರಿ ಗೊತ್ತಿಲ್ಲದ ಮೇಲೆ

ಸ್ಥಾವರಕ್ಕೆ ಅಳಿವಿರಲೆಬೇಕಲ್ಲ …

ಈ ಮಣ್ಣ ಕಣ್ಣಲ್ಲೇನು ಕಂಡೆ?

ಕ್ಷಣಿಕತೆಯ ಕ್ಷಣ ಕಾಡುವ ಮಾಯೆಯನ್ನೆ?

ಕೈಚಾಚಿದಷ್ಟೇ ಆಕಾಶ, ಬೊಗಸೆಯಷ್ಟೇ ನೀರು

ಗಡಿಯಾರದಂಗಡಿಯ ಮುಂದೆ ಕಣ್ಕಾಪು

 ಕಟ್ಟಿದ ಕುದುರೆಗೆ ಚಾಟಿ ಏಟಿನ ಗೀರು….