೧.ಬದುಕು - ಪುಸ್ತಕ

ಓಡುತಲಿ ಇರ ಬೇಕು, ನಿಲ್ಲದೆ ನಡೆಯದೆ,
ಇದ್ದಲ್ಲಿ ಇರಲದುವೆ ಬಾಳೆಂಬ ಜಾಡಿನಲಿ.
ನೋಡಿ ತೆರೆದೋದುತಲಿ ಇರ ಬೇಕು, ಜ್ನಾನವಿರೆ
ಮಸ್ತಕದ ತಿರುಳಲಿ, ಬಾಳೆಂಬ ಗ್ರಂಥದಲಿ.

೨. ಬದುಕು - ಸಾರ್ಥಕ .

 ಎಣಿಸುತ್ತ ಗುಣಿಸುತ್ತ ಕೂಡಿಕಳೆಯುತ್ತ
 ತಿದ್ದಿ ತೀಡುತ್ತಾ ಮತ್ತಳಿಸಿ ಬರೆಯುತ್ತ,
 ಮನದ ಕೊಳೆಯನ್ನು ಗುಡಿಸಿ ವರೆಸುತ್ತ,
 ಸ್ವಚ್ಚವಗಿಸೆ ಮನುಜ, ಬದುಕು ಸಾರ್ಥಕವು.

೩.ಬದುಕು - ಸಂಪದ

ಎಡಬಿಡದೆ ಹರಿಸುತಲಿ ಮನದ ಚಿಂತನೆಯ,
ಬಡಬಡಿಸಿ ಬರೆಯುತಲಿ ಪದಪದದ ಸಾಲುಗಳ,
ಎಣಿಸಿ ಪೋಣಿಸಿ ಹೊಸೆದು ಎಸೆಯುತಿರೆ ಸಮ್-ಪದವ
‘ಮುಖಪುಟದಿ ಉಳಿಸುವುದು ಸಂಪದದಿ ಅಂಕಿತವ ‘