ನಲ್ಲೆ ನಿನ್ನ ಕಣ್ಣ ಕರೆಯು

ಕದಡಿತೆನ್ನ ಮನವನು

ಎದೆಯ ದುಗುಡ ೆಎಲ್ಲಾ ಮರೆತು

ಕಾಯುತಿರುವೆ ಬರವನು

 

ಬರಡು ನೆಲದ ಕುಸುಮ ನಾನು

ಅರಳಿದಾಗಲು ಫಲವು ಏನು

ಗಂಧದಾ ಕೊರಡು ನೀನು

ನಿನ್ನೊಳೇಕೊ ಬೆರೆತೆ ನಾನು

 

ಆ ವಸಂತದ ಇರುಳಲಂದು

ಕೂಗಿ ಕರೆದೆ ನಲ್ಲನೆಂದು

ತಂಪು ಗಾಳಿಯಂತೆ ಬಂದು

ಎದೆಯ ಕದವ ತೆರೆದೆ ಇಂದು

 

ಉಮೇಶ ಮುಂಡಳ್ಳಿ

( ಈ ನನ್ನ ಭಾವಗೀತೆಯು ನನ್ನ ಕನಸಿನ ಧ್ವನಿಸುರುಳಿ ಭರವಸೆಯ ಛಾಯೆಯಲ್ಲಿ ನನ್ನ ಧ್ವನಿಯಲ್ಲೆ ಹೊರಬಂದಿರುತ್ತದೆ. ಈ ಧ್ವನಿಸುರುಲಿಯನ್ನು ಕನ್ನಡದ ಹೆಸರಾಂತ ಲೇಖಕರಾದ ಚೆನ್ನವೀರ ಕಣವಿ ಮತ್ತು ಪಾಟಿಲ್ ಪುಟ್ಟಪ್ಪನವರು ಬಿಡುಗಡೆ ಮಾಡಿರುತ್ತಾರೆ.)