ಈಗೀಗ ಮತ್ತೆ ಮತ್ತೆ ಸೋಲುತ್ತಿದ್ದೇನೆ, ಕಾರಣ ಸಿಗುತ್ತಿಲ್ಲ,   
ಮೊದಲು ಗೆಲ್ಲುವುದೇ ರೂಢಿಯಾಗಿತ್ತು, ಸೋಲು ಅಪವಾದವಾಗಿತ್ತು, ಈಗ ಹಾಗಿಲ್ಲ. 

ಆಗೆಲ್ಲ ಎಷ್ಟು ಸಲ ಸೋತರೂ, ಸೋಲನ್ನು ಅಂತಿಮವೆಂದು ಒಪ್ಪಿಕೊಂಡಿದ್ದಿರಲಿಲ್ಲ,  
ಈಗ ನಡೆಯುತ್ತಿರುವುದನ್ನು ಸುಮ್ಮನೆ ಒಪ್ಪಿಕೊಂಡುಬಿಡುತ್ತೇನೆ, ಹೋರಾಟವೇ ಇಲ್ಲ.
   
ಮತ್ತೆ ಮೊದಲಿನಂತೆ ಆಗಲಾರೆನೆ ನಾನು? ಈ ಹದಗೆಡುವಿಕೆಗೆ ಇಲ್ಲವೇ ಪೂರ್ಣವಿರಾಮ?
ಬದಲಾವಣೆಯ ತಂಗಾಳಿ ಸೂಸಲಾರದೆ? ಬರೆಯಲಾರೆನೇ ಒಂದು ಹೊಸ ಅಧ್ಯಾಯ?