ಕನಸಿನ ಭ್ರಮೆಯಲ್ಲಿ

 

ನೀರವ ರಾತ್ರಿ ಬೇಸರದ ಕ್ಷಣ

ವಿಶಾಲ ಕಪ್ಪು ದಿಗಂತ ಅಗಣಿತ ತಾರಾಗಣ

ಏಕಾಂಗಿತನ ಮಧು ಮಧುಪಾತ್ರೆಗಳೆ

ಎನ್ನ ಜೀವನ ಸಂಗಾತಿಗಳು

ಬದುಕು ಹೀಗೆಯೇ ಸಾಗಿ ಹೋಗಬಾರದೆ ?

ದ್ವೇಷ ಹಗೆ ಮತ್ಸರ ಗೋಳಾಟಗಳಿಲ್ಲದೆ !

 

ಜೀವನ ಕನಸಲ್ಲ ವಾಸ್ತವ

ಅವುಗಳದೆ  ಬೇರೆಯ ಲೋಕ

ದುಸ್ತರ ಬಾಳು ಸ್ವಾರ್ಥ ಜಗ

ಓಡಿ ಹೋಗ ಬೇಕೆನಿಸುತ್ತದೆ ಆದರೆ ಎಲ್ಲಿಗೆ ?

ವಾಸ್ತವ ಮರೆಯಲು ಮತ್ತದೆ ಕನಸಿಗೆ

ಜಾರಬೇಕು ನೆಮ್ಮದಿ ಪಡೆಯಬೇಕು

 

ಅದೇ ಮಧು ಮಧುಪಾತ್ರೆ

ಅನಂತ ದಿಗಂತ ಅಗಣಿತ ತಾರಾಗಣ

ಮತ್ತದೆ ಕನಸಿನ ಲೋಕ

ಸಾಗುತಿದೆ ನೀರಸ ಜೀವನ

ಮಾಧುವಿನ ಮತ್ತಿನಲಿ ವಾಸ್ತವಕೆ ಬೆನ್ನಾಗಿ

ಕನಸಿನ ಭ್ರಮೆಗೆ ಬಲಿಯಾಗಿ