ನಮ್ಮೊಲುಮೆಯ  ಬಾಳ  ನೌಕೆಯೆಲಿ

ದಿಕ್ಸೂಚಿಯಾಗಿ ನಲ್ಲೆ  ನೀನಿರಲು

ನನಗೇಕೆ ಚಿಂತೆ ಕೊರತೆ ಪಯಣದಲಿ

ದೂರ ತೀರದ ಬಾಳ ಸೌಧ ಸೇರಲು.

 

ಬಾಳ ಯಾತ್ರೆಗೆ ನಿನ್ನ ಕಾಣಿಕೆ ಅನುಪಮ

ಪ್ರೀತಿ ಪ್ರೇಮ ನಿನ್ನ ದೃಷ್ಟಿ  ಕೋನ

ನಿನ್ನ ಮಾತು-ನೀತಿ ಬಾಳ್ವೆಗೆ  ನಿಯಮ

ಜೀವನ ಚೈತ್ರೋತ್ಸವಕ್ಕಿಂದು ನೀ ಪೂರ್ಣ ಚಂದ್ರ ಹೋಂಗಿರಣ.

 

ಬಾಳ ನಭದಿ ಮೋಡವಾಗಿ ಬಂದೆ ನೀನು

ಮಳೆಯ ರಭಸವಿಲ್ಲ  ಬಿರುಗಾಳಿಯ ಬಿರುಸಿಲ್ಲ

ಅಸ್ತಂಗತ ರವಿಓಕುಳಿಯ ದಿಗಂತದಲಿ

ನವರಸ  ಚಿತ್ರಿಸಿದೆ  ನೀ ವರ್ಣ ಕುಂಚದಲಿ !

ಶ್ರೀ ನಾಗರಾಜ್.