ಹದಿ ಬದೆಯ ಧರ್ಮ
                          - ಲಕ್ಷ್ಮೀಕಾಂತ ಇಟ್ನಾಳ


ನೆರೆಹೊರೆ ಎಂದು ತೋಡಿದ, ಕಾಗೆಯ ಕಿವಿಗುಟ್ಟನ್ನೆ
ಗೂಡಾಗಿಸಿತು, ಮೊಟ್ಟೆಯಿಡಲು ಕೋಗಿಲೆ

ಹೆಗಲಮೇಲಿನ ಕೈಯಿಗೆ, ಒಡಲುರಿ ಬಿಚ್ಚಿಟ್ಟರೆ,
ಅದೇ ಬೇಳೆ, ಮೆಟ್ಟಿಲು, ಮೇಲೇರಲು ಕೈಯಿಗೆ

ತನಗೇನಾಗಿದೆ ಎಂದು ಬಿಚ್ಚಿ ಬಿಡಿಸಿ ಹೇಳಿದ, ರೋಗಿ,
ಕೊನೆಗೂ ಹೇಳಲಿಲ್ಲ ಅದೇನು, ಮುಸುಕು ಹಿಂದಿನ ಮುಖಗಳು

ಹೊಸ ದಿನ ಹೊಸ ನೀರು ಬರಲು
ನೆಮ್ಮದಿಯ ನೆಲೆಯ ಕನಸಲ್ಲಿ, ಕುಣಿದಾಡಿದ್ದೆ
ಧ್ವಜ ಬದಲಿಸಿ, ಆಯಕಟ್ಟುಗಳೆಲ್ಲ, ಮತ್ತೆ ಬೇರು ಬಿಟ್ಟವು
ಬಾಗಿಲು ತೆರೆಯಿತೊ, ಮುಚ್ಚಿತೊ, ನಾನಿನ್ನೂ ಕುಣಿಯುತ್ತಲೇ ಇದ್ದೆ