ಕೇಸರಿ ಹಸಿರು ನೀಲಿ ಬೇಲಿ ಜೋಡಿಸಿ |

ಚಡಿ ್ಡಟೋಪಿ ಗಡ್ಡ ಸಿದ್ಧಾಂತ ಸಂಸ್ಕರಿಸಿ |

ಕುಟಿಲ ಬಂಡವಾಳಶಾಹಿ ನೀತಿ ಪರಿಷ್ಕರಿಸಿ |

ಧರ್ಮಾಂಧ ಉಗ್ರವಾದಿ ಮುಖವಾಡ ಭೇದಿಸಿ |

ಬಾ ಕುಣಿಯೋಣ ಸವಿ ಗೆಳೆತನ ಪಾನಕ ಸೇವಿಸಿ ||

ಕೇಸರಿ ಹಸಿರು ನೀಲಿ ಬೇಲಿ ಜೋಡಿಸಿ |

ಬಾ ಕುಣಿಯೋಣ ಸವಿಗೆಳೆತನ ಪಾನಕ ಸೇವಿಸಿ ||

ಕಣ್ಣೆದುರಿನ ಭಾವೈಕ್ಯದ ದೇವನ ನೋಡದೆ |

ಅಲ್ಲೇ ನಿರ್ಮಿಸಬೇಕೆ ಮನೆ? ಕಾಣದದೇವನಿಗೆ |

ಕೆಡವಿದರೆಂದೋ ಎಂದು ಬೇಡ ಕೆಡುವುವುದು |

ಮಂದಿರ ಮಸೀದಿಗಳು ಅಕ್ಕಪಕ್ಕವೇ ಇರಲಿ |

ಮಿತ್ರತ್ವದ ಬೇರುಗಳು ಎಂದೂ ಕೊರಡಾಗದಿರಲಿ ||

ಕೇಸರಿ ಹಸಿರು ನೀಲಿ ಬೇಲಿ ಜೋಡಿಸಿ |

ಬಾ ಕುಣಿಯೋಣ ಸವಿಗೆಳೆತನ ಪಾನಕ ಸೇವಿಸಿ ||

ಹಿಂದೂ ಮುಸ್ಲಿಮ್ ಕ್ರೈಸ್ತ ಜೈನ ದಾರಿ ಅನೇಕ |

ನಾಮ ಹಲವು ದೇವನೊಬ್ಬನೇ ಗುರಿ ಒಂದೇ |

ಅರಿತು ತಿರುಳು ಬೀಗ ಜಡಿದಾಗ ದ್ವಂದ್ವ ನಿಲುವಿಗೆ |

ಪ್ರೀತಿ ಸ್ನೇಹ ವಿಶ್ವಾಸದಸ್ತ್ರ ಲಭಿಸದಿರುವುದೇ?

ಸೌಹಾರ್ದ ಸ್ವಾತಿ ಮುತ್ತು ಮಡಿಲಿಗೆ ಬೀಳದಿರುವುದೇ?

ಕೇಸರಿ ಹಸಿರು ನೀಲಿ ಬೇಲಿ ಜೋಡಿಸಿ |

ಬಾ ಕುಣಿಯೋಣ ಸವಿಗೆಳೆತನ ಪಾನಕ ಸೇವಿಸಿ ||