ಎಲ್ಲರಿಗೂ ಕೃಷ್ಣ ಜನ್ಮಾಷ್ಟಮಿಯ ಶುಭಾಶಯಗಳು

ಭವ ಬಂಧನವೆಂಬ ಒರಳಕಲ್ಲ

ಎನ್ನಿಂದ ಸೆಳೆದೊಯ್ಯ ಓ ಗೊಲ್ಲ

ವಿಷವೇ ತುಂಬಿಹ ದೇಹಗಳ

ವಿಷ ಹೀರಿ ಸೆಳೆಯಯ್ಯ ಕಳ್ಳ

ನಾನೇ ಎಂಬ ಭಾವದ ಕಾಳಿಂಗನ

ಹರಿಪಾದದಿ ನೀ ಮಾಡಯ್ಯ ಮರ್ದನ

ಒಳಿತನ್ನೇ ಮಾಡಲು ಪ್ರೇರೇಪಿಸಿ ಎನ್ನ ಮನ

ಪುಣ್ಯವಾಗಲಿ ಕಿರು ಬೆರಳಿನಿಂದೆತ್ತಿದ ಗೋವರ್ಧನ

ಪರರ ನಿಂದಿಪ ನಾಲಿಗೆ ಈ ಶಿರವ

ಮರೆವಂತೆ ಮಾಡಯ್ಯ ಈ ಭವವ

ಅರಿವೆಂಬ ಅರಿವೆ ಕಳಚಿ ದಿಗಂಬರರಾಗಿರೆ

ಅರಿವು ಮೂಡಿಸಿ ನೀ ಸಲಹಯ್ಯ ಈ ಧರೆ

ಇರುಳಲ್ಲಿ ಹುಟ್ಟಿ ಲೋಕಕೆಲ್ಲ ಬೆಳಕ ನೀಡಿದವನೇ

ಮನದ ಅಂಧಕಾರವನ್ನು ತೊಳೆಯೋ ಸುದರ್ಶನನೇ