ಗುಲ್ಜಾರರು ಬರೆದ,  ಭಾರತ ಪಾಕಿಸ್ತಾನಗಳ ಬಾಂಧವ್ಯಕ್ಕಾಗಿ ಟೈಮ್ಸ್ ಆಫ್ ಇಂಡಿಯಾ ಹಾಗೂ ಪಾಕಿಸ್ತಾನದ ಜಂಗ್ ಸಮೂಹದ ಪತ್ರಿಕೆಗಳ ಜಂಟಿ ಸಹಯೋಗದಲ್ಲಿ ನಡೆದ ‘ಅಮನ್ ಕಿ ಆಶಾ’ ಕಾರ್ಯಕ್ರಮಗಳ ಸರಣಿ ಶೀರ್ಷಿಕೆ ಗೀತೆಯ ಅನುವಾದ

. 'ಶಾಂತಿಯ ಆಶಾಕಿರಣ ' (ಅಮನ್ ಕಿ ಆಶಾ)

                         ಅನುವಾದ : ಲಕ್ಷ್ಮೀಕಾಂತ ಇಟ್ನಾಳ

ನೋಡು ನೋಡಲ್ಲಿ ನೆರಳುಗಳ ಕೆಲವು, ದೂರ ದೂರದಲ್ಲಿ

ಕೂಗಿ ಕರೆದರೂ ಗತ ಕಾಲದಂತೆ ಮತ್ತಾರೂ ಬರಲಿಲ್ಲ ಇಲ್ಲಿ

ಬನ್ನಿ ಬಾರಿಸೋಣ ಢೋಲು, ಹಾಸೋಣ ನದಿಯನ್ನು ಮತ್ತಿಲ್ಲಿ

ಮದರಂಗಿ ಹಚ್ಚುತ್ತ, ಮಧುರ ಹಾಡುಗಳ ಕುಣಿ ಕುಣಿದು ಹಾಡಿಲ್ಲಿ

ಮಾಳಿಗೆಗಳೇರಿ, ಗಾಳಿಪಟ ಹಾರಿಸಿರಿ, ಓಣಿ ಜನವೆಲ್ಲ ಮತ್ತಿಲ್ಲಿ

 

ಸ್ವರ್ಗಸೀಮೆಯಿದು, ಸಂಚು, ಹೊಂಚುಗಳಿಗೆ ಜಗವೇಕೆ ಇಲ್ಲಿ

ಬನ್ನಿ ಗೆಳೆಯರೆ, ಆಡೋಣ ಕಬಡ್ಡಿ ಸರಹದ್ದಿನ ಗೆರೆಯಲ್ಲಿ

ಬಂದ ಬಂದವರೆಲ್ಲ ಮರಳಲಾರದೇ ಇರಲಿ ಅತಿಥಿಯಾಗಿಲ್ಲಿ

ನಜರಿನಲ್ಲೆ ಇರುವೆ, ನಜರಿಗೆ ಬೀಳದಿದ್ದರೂ ನೀನು

ನೀನಿಲ್ಲದಲ್ಲೂ , ಧ್ವನಿಗೂಡುವೆವು ನಿನ್ನ ದನಿಗೆ ನಾವು

ನಜರಿನಲ್ಲೆ ಇರುವೆ, ನಜರಿಗೆ ಬೀಳದಿದ್ದರೂ ನೀನು

ಈ ಹಾಡು ಕರೆಯುವುದು, ಈ ಹಾಡು ಮೊರೆಯುವುದು

ಬಾರದಿದ್ದರೂ ನೀನು ಇಲ್ಲಿ

 

ಇರುವುದಾದರೆ ಇರಲಿ ಗೆರೆಗಳಿವು ನೆಲದಲ್ಲಿ ಮಾತ್ರವಿರಲಿ

ಇಳಿಯದಿರಲಿ ಇಳಿಯದಿರಲಿ ಯಾರ ಎದೆಯಾಳದಲ್ಲಿ !

(ಚಿತ್ರ ಕೃಪೆ : ಅಂತರ್ಜಾಲದಿಂದ)