ಆಷಾಡ  ಮುಗಿದಿದೆ ಶ್ರಾವಣ ಬಂದಿದೆ

ಜನ  ಮನದಿ  ಸಂತಸ ಸಂಭ್ರಮ   ತಂದಿದೆ 

ರೈತನ  ಮೊಗದಲ್ಲಿ  ನಲಿವು  ತುಂಬಿದೆ 

ಪ್ರಕೃತಿಯ ಸೊಬಗಿನಲ್ಲಿ  ನಲಿದಾಡಿದೆ  ಶ್ರಾವಣ 

 

ಸಾಲು  ಸಾಲು  ಹಬ್ಬಗಳ ಆಚರಣೆ

ದೇವಾಲಯದಲ್ಲಿ ವಿಶೇಷ ಪೂಜೆ  ಅರ್ಚನೆ

ಬಾರಿಸುತ್ತ   ಢಣಢಣ  ಗಂಟೆ

ಆ  ಗಂಟೆಯ ನಾದದೊಳಡಿಗಿದೆ  ಶ್ರಾವಣ

 

ಮೂಡಣದಿಂದ ಪಡುವಣ ತೆಂಕಣ

ಭೂದೇವಿಗೆ  ಹಸಿರಿನ  ಸಿರಿ ತೋರಣ

ಹಸಿರು   ಪೈರು  ಪಚ್ಚೆಗಳ  ನಡುವಣ

ಕುಣಿ  ಕುಣಿದಾಡಿದೆ ಶ್ರಾವಣ

 

ಹೊರಟಿದೆ  ಮದುವೆ  ಮುಂಜಿಗಳ ದಿಬ್ಬಣ

ಶುಭದಿನಕೆ  ಕೂಡಿ ಬಂದಿದೆ ಕಂಕಣ

ಅಂಗಳದ  ರಂಗೋಲಿಗೆ  ಬಗೆಬಗೆ ಬಣ್ಣ

ಆ  ಬಣ್ಣದಲ್ಲಿ ಓಕುಳಿಯಾಡಿದೆ ಶ್ರಾವಣ

 

ವನದೇವಿ  ನಳನಳಿಸಿ  ದಿನದಿನ

ಬಗೆಬಗೆ  ಸುಮಗಳಿಂದರಳಿದೆ ಹೂ ಬನ

ಸಾವಿರಾಗವೊಂದಾಡಿದೆ  ಕಾಜಾಣ

ಆ  ರಾಗಕ್ಕೆ  ತಾಳವಾಗಿದೆ ಶ್ರಾವಣ 

 

-ಎಸ್. ನಾಗರತ್ನ, ಚಿತ್ರದುರ್ಗ