"ಮರಕಡಿವನೇ! ಆ ಮರವನುಳುಹು!

ಮಟ್ಟುದಿರದರೊಂದು ಕೊನೆಯ!

ಯೌವನದೊಳೆನ್ನ ಸಲಹಿ ತಾ ಮರವು,

ಸಲಹುವೆನು ಇಂದು ನಾನದನು!-"

 

ಹುಡುಗುತನದೆನ್ನ ಬಿಡುವಿಗಾಸರೆಯು,

ತಾನಾದು ದೀ ಮರವೆನಗೆ!

ಇದರಡಿಯೊಳಾಡದರು ಎನ್ನ

ಒಡನಾಡಿಗಳು ಸೋದರರು-

ಮಾತೆ ಮುದ್ದಿಸಿದಳೀ ಯೆಡೆಯೊಳನ್ನ,

ಅಪ್ಪಿದೆನು ತಾತನನು ಇಲ್ಲಿ!-

ತಿಳಿಗೇಡಿ ನನ್ನೆಳಲ ಮನ್ನಿಸುತ

ಉಳಿಸು ನೀನಾ ಮರವನು!"

 

"ಶತಮಾನಗಳ ಹೊಡೆತಗಳ ತಡೆದು

ತಿರೆಗೆ ಬಂಧಿಸುತ ತಾಯ್ಬೇರ

ನಂದಿರುವ ಮರವಿರಲಿ ಚಿರಕಾಲ-

ನೆಲೆಯು ತಾನಾಗಿ ಖಗಕುಲಕೆ!"

 

"ಕೂಗಿ ಕೋಗಿಲೆಯು ಬಾಗಿಸಲು ಕೊಂಬೆ,

ಮುದಿ ಮರವೆ ಆಳುಗಾಳಿಯನು!-

ನಾನೀಮರವ ತಡೆಯಲಿರುವನಕ,

ಕೊಡಲಿ ಘಾತಿಸದಿರಲೀ ಮರವನು!"