ಬರೆಯುವೆ ನಾನು ಕೆಲವು ಕವನವ

ಕೊಡಲು ಭಾವನೆಗಳಿಗೊಂದು ರೂಪವ

ಸಾಹಿತ್ಯ ಸಾಗರದಿ ಮುಳುಗಿ

ಆಳ ನೋಡಿದ ಕವಿ ನಾನಲ್ಲ

ಸುಮ್ಮನೆ ಕುಳಿತಾಗ ಮನದ ಮೂಲೆಯೊಳಗೆ

ಕವಿತೆಯೊಂದು ಆಟವಾಡುತ್ತಿದೆಯಲ್ಲ

ಕನ್ನಡ ತಾಯಿಯ ಸೇವೆಗೈಯುವುದಕ್ಕೆ

ಏನು ಮಾಡಲೆಂದು ಯೋಚಿಸಿದವ ನಾನಲ್ಲ

ಹಲವು ಭಾಷೆಗಳ ಸೈನ್ಯದ ವ್ಯೂಹಕ್ಕೆ

ಹೆದರದೆ ಕನ್ನಡ ಕಹಳೆ ಮೊಳಗುತ್ತಿದೆಯಲ್ಲ

ಹೊಗಳಿಕೆ ತೆಗಳಿಕೆ ಏನೇ ಬಂದರೂ

ಪದಗಳೊಂದಿಗಿನ ಸರಸಕ್ಕೆ ಕೊನೆಯಿಡುವವನಲ್ಲ

ಭಾವನೆ ಅಕ್ಷರಗಳ ಮಿಲನವೇ ಆದರೂ

ಪರಿಶುದ್ಧತೆಗೆಂದೂ ಇಲ್ಲಿ ಸಂಶಯವಿಲ್ಲ

-ಕೆಕೆ (ಕೀರ್ತನ್ ಕೆ)