ನಿನ್ನ ಮಡಿಲಲ್ಲಿ ಸಿಗುವ ರಕ್ಷಣೆಯು

ಬೇರೆ ಎಲ್ಲೂ ನನಗೆ ಸಿಗದು

ಆ ಮಡಿಲ ತೊರೆದ ಮರುಕ್ಷಣವು

ಭಯದಲ್ಲೇ ಮನಸ್ಸು ಇರುವುದು

ಹೊಟ್ಟೆಯ ಪಾಡಿಗೆ ಊರು ಬಿಟ್ಟೆನಲ್ಲ

ಭಾಷೆ ಬಾರದಿರುವ ಜಾಗ ಸೇರಿದೆನಲ್ಲ

ಸುತ್ತಮುತ್ತ ತನ್ನವರೆಂಬುವರ್ಯಾರಿಲ್ಲ

ಮಾತು ಆಡಲಾಗದೇ ಮೂಕನಾದೆನಲ್ಲ

ಕಾಲದ ಚಕ್ರವು ತಿರುಗುತ್ತಿರುವ ಈ ರೀತಿ

ಮಾಯೆಯ ಮೋಡಿಗೆ ಬಲಿಯಾಗುವ ಭೀತಿ

ಸಣ್ಣ ಪುಟ್ಟದಾದ ಹಲವು ಕನಸು ಕಂಡೆನಲ್ಲ

ಸಮಯದ ಸವೆತಕ್ಕೆ ಎಲ್ಲ ಕರಗಿ ಹೋಯಿತಲ್ಲ

ಬೇರೆ ಯಾವ ಆಸೆ ನನ್ನಲ್ಲಿ ಈಗ ಉಳಿದಿಲ್ಲ

ಮತ್ತೆ ನಿನ್ನ ಮಡಿಲು ನಾ ಸೇರಬಯಸುವೆನಲ್ಲ

ದಿನಗಳೇ ಉರುಳಿದರೂ ಕುಂದಿಲ್ಲ ನಿನ್ನ ಪ್ರೀತಿ

ಆ ಪ್ರೀತಿ ವಾತ್ಸಲ್ಯವೊಂದೇ ಕಳೆಯುವುದು ಎಲ್ಲ ಭೀತಿ

-ಕೆಕೆ (ಕೀರ್ತನ್ ಕೆ)