ರಸ್ತೆಗಿಳಿದಿದೆ ನೋಡಿ ಟಾಟಾರವರ
ಹೊಸ ಚಿಕ್ಕ ಕಾರು ನಾನೋ
ಕಾರೊಳಗೆ ಕೂತ್ಕೊಳ್ಳೋದು ಯಾರು
ನೀನೋ ನಾನೋ?

ಲಕ್ಷದ ಕಾರು ಬಂದಾಗಿದೆ ಈಗ ಎಲ್ಲರ
ಲಕ್ಷ್ಯವೂ ಇತ್ತಕಡೆ
ಬೇರೆ ಕಾರುಗಳ ಬೆಲೆ ಇಳಿದರೆ ನಾವು
ವಾಲಬಹುದು ನೋಡಿ, ಅತ್ತಕಡೆ.

ಕಾರಿನ ಬೆಲೆ ಇಳಿಸಿ ಜಗತ್ತನ್ನೇ ಬೆರಗು
ಗೊಳಿಸಿದರಿಂದು ಟಾಟಾ
ಭ್ರಷ್ಟಾಚಾರದಿಂದಾಗಿ ನೇತಾರರು ಇಡೀ
ದೇಶಕ್ಕೆ ಕೊಡುತಿಹರು ಕಾಟ

ಹೇಳಿದ್ದನ್ನು ಸಾಧಿಸಿ ತೋರಿಸುವುದು
ಅದೇಕೋ ಉದ್ಯಮಿಗಷ್ಟೇ ಆಗಿದೆ ಸಾಧ್ಯ
ರಾಜಕೀಯದ ಧುರೀಣರಿಗೆ ತಮ್ಮ ಮಾತ
ಉಳಿಸಿಕೊಳ್ಳಲು ಯಾಕಾಗುತಿದೆ ಅಸಾಧ್ಯ

ಕಾರು ಬರಬಹುದು ನಮ್ಮ ನಿಮ್ಮ ಎಲ್ಲರ
ಮನೆಯಲ್ಲೂ ಮಂದಿಗೆ ಒಂದರಂತೆ
ಆದರೆ ಸುಂದರ ರಸ್ತೆಗಳಿರಬಹುದೇ ನಾವು
ಆ ಕಾರುಗಳಲಿ ಸವಾರಿ ಮಾಡುವಂತೆ

ಟಾಟಾ ಅಂಬಾನಿ ಮೂರ್ತಿಗಳನು ದೇಶದ
ಗದ್ದುಗೆಯಲಿ ಕೂರಿಸಿ ನೋಡಬಾರದೇಕೆ
ಅವರ ಮುಂದಾಳುತನದಲಿ ಈ ದೇಶದ
ಭವ್ಯ ಭವಿಷ್ಯದ ಕನಸು ಕಾಣ ಬಾರದೇಕೆ