ಕಾದಿರುವೆ ಗೆಳೆಯ ನಿನಗಾಗಿ ನಾನಿಂದು

ರಾಮನ ಬರುವಿಕೆಗೆ ಶಬರಿ ಕಾದ ಹಾಗೆ

ಮನದ ತುಂಬಾ ನೂರಾರು ಆಸೆಯ ಹೊತ್ತು

ಕಾದಿರುವೆ ಗೆಳೆಯ ನಿನಗಾಗಿ ನಾನಿಂದು

 

ದಿನರಾತ್ರಿ ಕನಸಲ್ಲಿ ನೀ ಬಂದು ಕಾಡುತಿರುವೆ

ನಿನ್ನ ಎತ್ತರ ನಿನ್ನ ಸದೃಢ ದೇಹಕಾಯ

ಮುಖದಲ್ಲಿ ತುಂಬಿರುವ ಆ ದಿವ್ಯ ತೇಜಸ್ಸು

ಎಲ್ಲವೂ ಸೇರಿ ಮಂತ್ರಮುಗ್ಧಳನ್ನಾಗಿಸಿದೆ ನನ್ನನು

 

ನೀ ಯಾವ ದೇಶದ ಯುವರಾಜನೋ ನಾ ಕಾಣೆ

ರೆಕ್ಕೆಯ ಕುದುರೆಯ ಏರಿ ಆಗಸದಿಂದ ಇಳಿದು

ನನ್ನ ಹೊತ್ತೊಯ್ಯುವೆಯೆಂದು ಮಾಯಾಲೋಕಕೆ

ಕಾದಿರುವೆ ಗೆಳೆಯ ನಿನಗಾಗಿ ನಾನಿಂದು....