೧

ಹಳದಿಂಕರನ " The Glow of Hope" ಚಿತ್ರದ

ಮಹಿಳೆಯ ಕೈಲಿಡಿದ ದೀಪದ ಬೆಳಕು

ಬರೀ ಬೆಳಕೇ?

 

ರವಿ ವರ್ಮನ "ಶಾಕುಂತಲೆಯ"

ದುಶ್ಯಂತನನುಡುಕುವ ಕಣ್ಣೋಟವಿನ್ನೊ

ಮಾಸಿಲ್ಲವೇಕೆ?

 

ವ್ಯಾನ್ ಗೊ ನನ " The Potato Eatars " ನೈದು

ಮಂದಿ ವಿಶ್ವ ಕುಟುಂಬದಲೊಂದಾದದ್ದನ್ನ

ಮರೆವುದಾದರು ಹೇಗೆ?

 

ಲಿಯಾನರ್ಡೊನ "ಮೊನಾಲಿಸಾಳ"

ಮಾರ್ಮಿಕ ನಗುವಿಗರ್ಥವನುಡುಕುಡುಕಿ

ಸೋತರೆಲ್ಲರು ಹೇಗೆ?

 

ಪಿಕಾಸೊನ "Guernica"

ಯುದ್ಧ ಪಿಪಾಸುಗಳಿಗೆಚ್ಹರಿಕೆಯ

ಗಂಟೆಯಾಗಿರುವುದನ್ನ ಮರೆವುದುಂಟೇ?

 

೨

ಕಾಲನ ಕುಣಿತಕ್ಕೆ ಗೆಜ್ಜೆ ಕಟ್ಟಿ 

ಸೌಂಧರ್ಯದ ಮಾಧುರ್ಯವ ತುಂಬಿ

ಆವನಂತರಾಳದೆದೆಯ ಮೀಟಿ ಸಂಗೀತವನೊರಡಿಸುವ

ಗಾನ ಗಾರುಡಿಗೆ ರೆಕ್ಕೆ ಬಿಚ್ಹಿ ನಲಿವ ನವಿಲಾಗುತ್ತೇನೆಂದು

ಮನೆಯ ಗೊಡೆಯ ಅಲಂಕಾರಕ್ಕೆ

ನೇತುಬಿದ್ದ ಚಿತ್ರ ಹಾಡುತ್ತಿತ್ತು,

ಕೂಗಬಹದೇನು, ನನ್ನ ಭಾವನ ಸೌಂಧರ್ಯಕ್ಕೆ,

ನಾನುಲಿವ ಆಂತರ್ಯ್ದದೊಳಗಿನರ್ಥಗಳಿಗೆ ಬೆಲೆಯಿಕ್ಕಿ ಹರಾಜಿನಲಿ

 

೩

ಪ್ರಶ್ನೆಗಳನೇ ಇರಲಿ, ಕಾಲನ ಕುಣಿತ ನಿಲ್ಲುವುದಿಲ್ಲ

ಗೆಜ್ಜೆ ಕಟ್ಟುವ ಮಂದಿಗೆಂದಿಗೊ ಬರವಿಲ್ಲ

ಈಗ ಪ್ರಶ್ನೆ ಅದೇ,

ಎಲ್ಲರೊಲುಮೆಯ ಕುಣಿತಕ್ಕೆ

ಕಾಲನ ಹೆಜ್ಜೆಗೆ ಗೆಜ್ಜೆ ಕಟ್ಟಿ ಕುಣಿಸುವ

ಗಾರುಡಿಗರಾರು?