ಪರಿಚಿತನೊಬ್ಬನ ಮನೆಯ ಟೆರೇಸ್ ಮೇಲೆ,ಆತನೊಂದಿಗೆ ಕಾಫಿ ಕುಡಿಯುತ್ತಾ, ರಾಜಕೀಯದಿಂದ ಹಿಡಿದು ಕ್ರಿಕೆಟ್, ಸಿನೆಮಾ... ಬಗ್ಗೆ ಮಾತನಾಡುತ್ತಿದ್ದೆ. "ಈಗಲೂ ಇಷ್ಟು ಉದ್ದ ಹೊಗೆ ಕಾರುತ್ತಾ ಟ್ರೈನ್ ಹೋಗುತ್ತಿದೆಯಲ್ಲಾ?" ಎಂದು ಟೆರೆಸ್‌ನಿಂದ ದೂರದಲ್ಲಿ ಕಾಣಿಸುತ್ತಿದ್ದ ಹೊಗೆಯನ್ನು ನೋಡಿ ಹೇಳಿದೆ.

"ಅದು ಟ್ರೈನ್ ಅಲ್ಲವೋ, ಯಾವುದೋ ಫ್ಯಾಕ್ಟರಿ ಹೊಗೆ! ಕೆಲವೊಮ್ಮೆ ಕಿ.ಮೀ. ದೂರದವರೆಗೂ ಹೊಗೆ ಕಾಣಿಸುವುದು. ಅಲ್ಲಿಯ ಜನ ಹೇಗೆ ಇರುವರೋ?" ಅಂದನು.

ಅವನೊಂದಿಗೆ ಮಾತು ಮುಗಿದ ಮೇಲೆ, ಆ ಹೊಗೆ ಎಲ್ಲಿಂದ ಬರುತ್ತದೆ, ನೋಡೇ ಬಿಡೋಣ ಎಂದು ಬೈಕ್ ಸ್ಟಾರ್ಟ್ ಮಾಡಿ ಹೊಗೆಯ ದಿಕ್ಕಿನ ಕಡೆ ಹೊರಟೆ. ಹೇಸರ ಘಟ್ಟ ರಸ್ತೆಯಿಂದ, ರಾಜಾನು ಕುಂಟೆ ದಾರಿಯಾಗಿ ಇದೇ ಮೊದಲ ಬಾರಿಗೆ ಹೋದೆ.

*************

ಚಿನ್ನದಂತಹ ಬೆಳೆ ಬೆಳೆಯಬೇಕಿದ್ದ ಮಣ್ಣು , ಈಗ ಸೈಟ್, ರೋಡ್‌ಗಾಗಿ ಹಾಳಾಗುತ್ತಿದೆ. ಹಳೇ ಮನೆ ಒಡೆದು ಲಾರಿಯವನಿಗೆ ಸಾಗಿಸಲು ದುಡ್ಡುಕೊಡುವಿರಿ- ಅವೆಲ್ಲಾ ಎಲ್ಲಿ ರಾಶಿ ಬೀಳುತ್ತಿದೆ ನೋಡಿ-

*********

ಬಾಳೆ ತೋಟ,ತೆಂಗಿನ ತೋಟ, ಹೂವಿನ ತೋಟಗಳು ಇನ್ನೂ ಅಲ್ಲಲ್ಲಿ ತಮ್ಮ ಕೊನೆಯ ದಿನಗಳನ್ನು ನೆನಪಿಸಿಕೊಂಡು ಬದುಕಿದ್ದಾವೆ.

ಹಾಗೇ ಮುಂದೆ ಬರುತ್ತಾ ನೋಡಿದರೆ ಯಲಹಂಕ ಮೈನ್ ರಸ್ತೆಯಲ್ಲೇ ಹೊಗೆಯ ಮೂಲ ಸಿಕ್ಕಿತು!

ಇಷ್ಟು ಸಾಕು. ಇನ್ನು ಗೂಗ್‌ಲ್ ಸರ್ಚ್ ಮಾಡಿ ಫ್ಯಾಕ್ಟರಿ ಯಾವುದೆಂದು ನೋಡಿದರಾಯಿತು ಎಂದು ಮನೆಗೆ ಬಂದೆನು.

"NTPC"?

Yelahanka Diesel Power Station -ಯಲಹಂಕದಲ್ಲಿರುವ Diesel based power plant ಏ ಈ ಹೊಗೆಗೆ ಕಾರಣ ಇರಬಹುದು.  ಕೆಲವು ಕೊಂಡಿಗಳು-

___LINK_OPEN_href="http://en.wikipedia.org/wiki/List_of_power_stations_in_India"___http://en.wikipedia.org/wiki/List_of_power_stations_in_India

http://www.deccanherald.com/content/1543/stage-set-blores-largest-power.html

http://www.complaints-india.com/complaints/36442/AIR-POLLUTION-AT-YELAHANKA.html

"ಫ್ರಿಡ್ಜ್‌ನಿಂದ ಕೂಲ್ ಕೋಲಾ ತಾರೇ" ಎಂದು ನನ್ನಾಕೆಗೆ ಹೇಳಿ, ಎ.ಸಿ. ಆನ್ ಮಾಡಿ, ಟಿ.ವಿ.ಯಲ್ಲಿ IPL ಮ್ಯಾಚ್ ನೋಡುತ್ತಾ ಹಾಯಾಗಿ ಕುಳಿತೆ. ಕೆಲವರ ಮುಖ, ಬಟ್ಟೆ ಕಪ್ಪಾದರೇನು,ಆರೋಗ್ಯ ಹಾಳಾದರೇನು, ನಮಗೆ ೨೪ ಗಂಟೆ ಕರೆಂಟು ಸಿಗುತ್ತಿದೆಯಲ್ಲಾ ಥ್ಯಾಂಕ್ಸ್ ಟು "YDPS".

 

-ಗಣೇಶ.