ಮಳೆಗಾಲ
(ಗುಲ್ಜಾರರ ‘ಮಾನ್ಸೂನ್’ ಕವನದ ಅನುವಾದ)

ಮಳೆಗಾಲ ಬಂದರೆ ನೀರಿಗೂ ಸಹ
ಕಾಲುಗಳು ಮೂಡುತ್ತವೆ,
ಗೋಡೆ-ಬಾಗಿಲುಗಳಿಗೆ ಹಾಯ್ದು
ಓಡುವುದು ಓಣಿಗಳಲ್ಲಿ,
ಕುಣಿಯುತ್ತ ಚಿಮ್ಮುತ್ತ
ಖುಷಿಯನ್ನು ತಡೆಯದೆ,
ಯಾವುದೋ ‘ಮ್ಯಾಚ್’ಲ್ಲಿ ಗೆದ್ದ
ಹುಡುಗರ ಹಿಂಡಿನ ತರಹ!

ಗೆದ್ದು ಬರುವ ಓಣಿ ಹುಡುಗರೊಮ್ಮೆ ‘ಮ್ಯಾಚ್’ನ್ನು
ಕ್ಯಾನವಾಸಿನ ಬೂಟು ಮೆಟ್ಟುತ್ತ,
ಪುಟಿಯುತಿರುವ  ಚೆಂಡಿನ ತರಹ,
ಗೋಡೆ-ಬಾಗಿಲುಗಳಿಗೆ ತಟ್ಟುತ್ತ ಕುಣಿಯುವರು
ಮಳೆನೀರು ಪುಟಿದು ಚಿಮ್ಮುವ ಹಾಗೆ!

ಕೃಪೆ : ಗುಲ್ಜಾರ ಸಾಹಬ್