ಕೆಲವು ಕೆರೆಗಳು ಬೇಸಿಗೆ ಕಾಲದಲ್ಲಿ ಬತ್ತಿ, ಪುನಃ ಮಳೆಗಾಲದಲ್ಲಿ ತುಂಬಿ ತುಳುಕುತ್ತದೆ. ಲಾರಿಗಟ್ಟಲೆ ಕಸ ಕಡ್ಡಿ ಮಣ್ಣು, ಕೆಡವಿದ ಮನೆಗಳ ತ್ಯಾಜ್ಯಗಳನ್ನು ಕೆರೆಯಲ್ಲಿ ತುಂಬುವುದಿದೆಯಲ್ಲಾ- ಅದು ಕೆರೆಯ ಕೊಲೆ.

ಕಳೆದ ವರ್ಷ ಮಾರ್ಚ್ ತಿಂಗಳಲ್ಲಿ ಸಂಭ್ರಮ ಕಾಲೇಜಿನ ಸಮೀಪದ ಬಂಡೆಯಲ್ಲಿರುವ "ಶಿವ ದೇವಾಲಯದ ಬಗ್ಗೆ ಬರೆದಿದ್ದೆ.   http://sampada.net/blog/%E0%B2%9A%E0%B2%BE%E0%B2%B0%E0%B2%A3%E0%B2%A6-%E0%B2%B8%E0%B2%82%E0%B2%AD%E0%B3%8D%E0%B2%B0%E0%B2%AE/04/03/2012/35873  ಬರಹದ ಕೊನೆಯಲ್ಲಿ ದೇವಾಲಯದ ಹಿಂಬದಿಯಲ್ಲಿರುವ ಕೆರೆಯ ಚಿತ್ರವಿದೆ. ಆ ಕೆರೆಯನ್ನು ನೋಡುವ ಉದ್ದೇಶದಿಂದಲೇ ಈ ಶಿವರಾತ್ರಿ ದಿನ ಸಂಜೆ ಅಲ್ಲಿಗೆ ಹೋಗಿದ್ದೆ. ಶಿವದೇವಾಲಯ ಜನರಿಂದ ತುಂಬಿತ್ತು.  ಕೆರೆ ಬತ್ತಿಹೋಗಿತ್ತು. ಸ್ವಾಭಾವಿಕ, ಈ ಸಲ ಮಳೆನೂ ಜಾಸ್ತಿ ಇರಲಿಲ್ಲ, ಬಿಸಿಲ ಝಳನೂ ಜಾಸ್ತಿ. ಆದರೆ ಪುನಃ ಮಳೆಗಾಲದಲ್ಲಿ ನೀರು ತುಂಬದಂತೆ ಕಲ್ಲುಮಣ್ಣು ರಾಶಿ ತುಂಬಿದ್ದು ನೋಡುವಾಗ ಸಂಕಟವಾಯಿತು.

"ಚೀರ್ ಅಪ್. ಎಂತೆಂತಹ ಕೆರೆಯನ್ನೆಲ್ಲಾ ನುಂಗಿ ಬೆಳೆದಿರುವ ಬೆಂಗಳೂರಿದು. ಈ ಪುಟಾಣಿ ಕೆರೆಗೆ ಚಿಂತೆ ಮಾಡುತ್ತೀಯಾ..ಅಭಿವೃದ್ಧಿಗೆ ಕೆರೆಮರಗಳ ಬಲಿ ಆಗಲೇಬೇಕು." ಎಂದು ಮನಸ್ಸಲ್ಲೇ ಸಮಾಧಾನ ಮಾಡಿಕೊಂಡು ಹಿಂದೆ ಬಂದೆನು.

ಈ ಸಂಡೆ ಪುನಃ ಕೆರೆಯ ಅರೋಗ್ಯದಲ್ಲಿ ಚೇತರಿಕೆಯೇನಾದರೂ ಆಗಿರಬಹುದೇ ಎಂದು,ದೂರದ ಆಸೆಯೊಂದಿಗೆ ನೋಡಲು ಹೋದೆ. ಇನ್ನಷ್ಟು ಬಿಗಡಾಯಿಸಿದೆ.  ಹಿಂದೆ ಬರುವಾಗ ದೇವಾಲಯದ ಬಾಗಿಲು ತೆರೆದಿರುವುದು ಕಾಣಿಸಿತು. ಬಳಿ ಹೋಗಿ ಲೈಟು ಬೆಳಕಲ್ಲಿ ಬಗ್ಗಿ ನೋಡಿದಾಗ ಆಶ್ಚರ್ಯ! ಕಳೆದ ವರ್ಷ ಬಂದಿದ್ದಾಗ ಕತ್ತಲೆಯಲ್ಲಿ ಶಿವಲಿಂಗ ಎಂದು ಕೈಮುಗಿದ ಮೂರ್ತಿ -ಶಿವಲಿಂಗದ ಎದುರಿಗಿರುವ "ಬಸವ"ನ ಹಿಂಬದಿ..

:)