ಇತ್ತೀಚಿಗಿನ ಬಹುತೇಕ ಚುನಾವಣೆಯಲ್ಲಿ ತ್ರಿಶಂಕು ಸದನಗಳೇ ಹುಟ್ಟಿಬರುತ್ತವೆ. ಪ್ರಜಾಸತ್ತೆಗೆ ಶಾಪವಾದ ಈ ಸನ್ನಿವೇಶ, ಚಿಲ್ಲರೆ ರಾಜಕಾರಣಿಗಳಿಗೆ ಹಬ್ಬ. ಚಿಲ್ಲರೆ ಪಕ್ಷಗಳಿಗೆ ಸ್ವಯಂ ಅಧಿಕಾರಕ್ಕಿಂತಾ ಹೆಚ್ಚಾಗಿ, ’ಬ್ಲಾಕ್‌ಮೇಲ್’ ಸರಕಾರವನ್ನು ಅಧಿಕಾರಕ್ಕೆ ತರುವುದೇ ಲಾಭದಾಯಕ ದಂಧೆ!
 ನಾನಾದರೋ ವೋಟ್ ಹಾಕುವುದು, ಅಭ್ಯರ್ಥಿಯ ಸದ್ಗುಣಗಳಿಗಷ್ಟೇ ಅಲ್ಲ, ಅವರ ಪ್ರಣಾಳಿಕೆಗೆ ಸಹ. ಮಹೋದಯರು, ಆ ಗುಣ-ನಿಲವುಗಳನ್ನೆಲ್ಲಾ ಇಲ್ಲೇ ಕಟ್ಟಿಟ್ಟು, ಪ್ರೇತದಂತೆ ಸದನ ಪ್ರವೇಶಿಸಿ, ಯಾವುದೋ ಫ್ರಂಟ್‌ಗೆ ಬೆಂಬಲ ಸೂಚಿಸುವುದಾದರೆ, ನನ್ನ ಆಯ್ಕೆ ಏನಾಯಿತು?
 ನನ್ನ ’ಮತ’ದ ನಂಬಿಕೆ-ಮೌಲ್ಯಗಳನ್ನು ಕಾಪಾಡುವುದು, ಚುನಾವಣಾ ಆಯೋಗದ ಜವಾಬ್ದಾರಿ. ಚುನಾವಣಾ ಆಯೋಗವೆನ್ನುವುದು, ತಾಲೂಕು ಆಫೀಸಿನ ನೌಕರಶಾಹಿಯಂತಲ್ಲದೆ, ವಿಶಿಷ್ಟ ಅಧಿಕಾರಬಲವನ್ನೂ ಹೊಂದಿರುವುದಾಗಿ, ನಮಗೆ ಟಿ.ಎನ್.ಶೇಷನ್ ಸಾಹೇಬರು ಪರಿಚಯಿಸಿದ್ದಾರೆ.
 ಚುನಾವಣಾ ಆಯೋಗಕ್ಕೆ ಅಂತಹ ಜಬರದಸ್ತು ಇರುವುದೇ ಆದರೆ, ಸಮ್ಮಿಶ್ರಕ್ಕೆ ಬೆಂಬಲಿಸುವ ಎಲ್ಲಾ ಸದಸ್ಯ ಮಹೋದಯರನ್ನೂ, ಪಕ್ಷಭೇದವಿಲ್ಲದೆ ಅನರ್ಹಗೊಳಿಸಬೇಕೆಂಬುದು ನನ್ನ ಮನವಿ