ಹೂವೇ ಹೂವೇ..ಹೂವೇ ಹೂವೆ..ನಿನ್ನೀ ಅಂದಕೆ ..........

ಕಾಗದದ ಹೂವಿನಿಂದ ಗುಲಾಬಿಯವರೆಗೆ ಹೂವಿನ ಅಂದವೇ ಅಂದ. ಲಾಲ್ ಬಾಗ್ ಗಾಜಿನ ಮನೆ ತುಂಬಾ ರಾಶಿ ರಾಶಿ ಹೂಗಳು.

ಎಂಟ್ರಿ ಫೀ ಐವತ್ತಾದರೇನು ನೂರಾದರೇನು, ಬಿಸಿಲಾದರೇನು ಮಳೆಯಾದರೇನು..ಹೊರಟೇ ಬಿಡುವೆ.

ಆದರೆ ತಾಪತ್ರಯ-೧. ಬೆಂಗಳೂರು ಟ್ರಾಫಿಕ್. ೨. ಪಾರ್ಕಿಂಗ್ ೩. ಜನಸಂದಣಿ.

ಕಳೆದ ವರ್ಷ ಫ್ಲವರ್ ಶೋಗೆ ಸಂಜೆ ಹೋಗಿದ್ದೆ. ಅಂದಾಜು ಒಂದು ಕಿ.ಮೀ ದೂರದಲ್ಲಿ ವಾಹನ ಪಾರ್ಕ್ ಮಾಡಿ, ನಡೆಯುತ್ತಾ ಬರಬೇಕಾಯಿತು. :(  ಜನಸಂದಣಿಯದ್ದು ನನಗೆ ಚಿಂತೆ ಇಲ್ಲ. ರಶ್‌ಗೆ ಹೆದರಿ, ನನ್ನಾಕೆ ನನ್ನ ಕೈಬಿಡದೇ ಜತೆಯಲ್ಲಿ ಬರುವುದು ಆವಾಗಲೇ. :) ಈ ಸಲ ಎಷ್ಟು ಕೇಳಿದರೂ ಒಪ್ಪಲಿಲ್ಲ. "ರಶ್, ಬರುವುದಿಲ್ಲ. ಮಗಳನ್ನು ಕರಕೊಂಡು ಹೋಗಿ" ಎಂದಳು.

ರಜಾದಿನಗಳಲ್ಲಿ ಬೆಂಗಳೂರು ಏಳುವುದು ಸ್ವಲ್ಪ ಲೇಟೇ..ಅದಕ್ಕೆ ಏಳು ಗಂಟೆಗೇ ಮಗಳನ್ನು ಕರಕೊಂಡು ಹೊರಟೆನು. "ಯೆ ಖಾಲಿ ಖಾಲಿ ರಸ್ತೇ..ಉ ಊ ಉ.."ಎಂದು ಹಾಡು ಹೇಳಿಕೊಂಡು, ಮುಕ್ಕಾಲು ಗಂಟೆಯೊಳಗೇ ಲಾಲ್ ಬಾಗ್ ಬಳಿ ಇದ್ದೆ. ಗಾಜಿನ ಮನೆ ಬಳಿ ಹೋದಾಗ ಟಿಕೆಟ್ ಕೊಡಲು ಪ್ರಾರಂಭಿಸಿದ್ದರಷ್ಟೇ. ಹೂವಿನ ಜತೆ ಮಗಳದ್ದು ಫೋಟೋ ತೆಗೆದದ್ದೇ ತೆಗೆದದ್ದು.

ಮಗಳಿರುವ ಫೋಟೋ ಬಿಟ್ಟು, ಉಳಿದ ಫೋಟೋಗಳಲ್ಲಿ ೫-೬ ಫೋಟೋ ಇಲ್ಲಿ ಹಾಕುವೆ. ಈ ಫೋಟೋ ಏನೂ ಇಲ್ಲ. ಅಲ್ಲಿ ಕಣ್ಣಾರೆ ನೋಡಿ, ಆನಂದಿಸಿ.

ಲಾಲ್ ಬಾಗ್ ಮಾಡಿದ ಪುಣ್ಯಾತ್ಮರಿಗೆ, ಅಲ್ಲಿ ಫ್ಲವರ್ ಶೋ ಆರಂಭಿಸಿದವರಿಗೆ ಮನದಲ್ಲೇ ವಂದಿಸಿ ಹಿಂದೆ ಬಂದೆನು.