ಅಕ್ಕನೆಂದರೆ ಯಾರು?

ನಾನು ತಪ್ಪು ಮಾಡಿ ಸಿಕ್ಕಿ ಹಾಕಿಕೊಂಡಾಗ

ಅಮ್ಮನ ಪೆಟ್ಟು ತಡೆದವಳೋ ?

ಶಾಲೆಯಲ್ಲಿ ಬಿದ್ದು ಗಾಯವಾದಾಗ

ಎಡೆ ಬಿಡದೆ ಕಣ್ಣೀರ ಹರಿಸಿದವಳೋ ?

ಗದ್ದೆಗೆ ಬುತ್ತಿ ತೆಗೆದುಕೊಂಡು ಹೋಗುವಾಗ

ನನಗೆ ನಟ್ಟ ಮುಳ್ಳಿಗೆ ನನಗಿಂತ ಮೊದಲು

ಪ್ರತಿಕ್ರಿಸಿದವಳೋ ?

ಕಡಿಮೆಯಾದ ಪುರಿಗೆ ಹಠ ಹಿಡಿದು ಅಳುವಾಗ

ಕಣ್ಣೀರ ಒರೆಸಿ ಮುತ್ತನಿತ್ತವಳೋ ?

ನನ್ನ ಅಕ್ಕ

ಸುಖದಲ್ಲಿ ದು:ಖವಾಗಿ,ದು:ಖದಲಿ ಸುಖವಾಗಿ

ಎನ್ನ ಜೀವನದಲಿ ಬೇರೆತಿರುವಳು.

ಬಸ್ಸಿನಲ್ಲಿ ಕೂಳಿತಾಗ ಊರುಗಳು ಬಿಟ್ಟುಹೋದ ಹಾಗೆ

ನನ್ನ ಬಾಲ್ಯವು ಹೋಗದಂತೆ ತದೆದವಳು;

ಮುಂದೆ ನಮ್ಮ ಮನೆಯ ಬಿಟ್ಟು ಹೋದರು

ಎನ್ನ ಮನದಲ್ಲಿ ಎಂದು ನನ್ನ ಕಾಡುವವಳು;

ನನ್ನ ಕೆಣಕಿ ಮುಖ ಕೆಂಪಾಗಿಸಿ ಮತ್ತೆ,

ಮಂದಸ್ಮಿತವ ತುಂಬಿದವಳು.

ಅಮ್ಮನಂತೆ ಮನಸ ಕದ್ದಿರುವ ಅಕ್ಕಮ್ಮನಿಗೆ,

ಬರಿ ಮಾತಲಿ ಕೃತಜ್ಞತೆ ಹೇಳಿ ,

ನಮ್ಮ ಪ್ರೀತಿಯ ಬೆಲೆ ಕಡಿಮೆ ಮಾಡಲೇ?

ಇಲ್ಲ , ಅವಳನ್ನು ಕೆಣಕುತ್ತ ಮೌನದಿಂದಲೇ

ಧನ್ಯ ಎನ್ನಲೇ?