ಅಧರದೊಳಿಹುದಯ್ಯ

ಸವಿ ಜೇನು ಸುಧೆಯು.

ಗುದದ್ವಾರದಲಿ ಬಯಸೆ

ಅದು ದೊರೆವುದೇ?

ಉದಿಪ ರವಿಕಿರಣಗಳು

ಮೈಸೋಕೆ ಒಳಿತಹುದು.

ಸುಡು ಬಿಸಿಲ ಸಂಗವದು

ಹಿತವಪ್ಪುದೇ?

ಸಿಂಗನಂತಿರಲೆಂದು

ಕೇಸರಿಯ ಒಡನಾಡೆ

ಕಾಲನನೆ ಅರಸಿದಾ

ಪರಿಯಲ್ಲವೇ?

ಭೋಜರಾಜನ ಧ್ವನಿಯು!

ನವೀನ್ ಪಡಿಲ್ ನ ನಡೆಯು!!

ನಿನದಾದ ವ್ಯಕ್ತಿತ್ವ ನಿನಗಿಲ್ಲವೇ?

ನೀನು 'ನೀನಾದಾಗ'

ನಿನಗೆ ದೊರಕುವ ಮಾನ

ಅನ್ಯರನು ಅನುಕರಿಸೆ

ಅದು ಬರುವುದೇ?

ಕೂಡಿ ಬಾಳುವ ಗೆಳೆಯ

ರಾಗ ದ್ವೇಷವ ಮೆಟ್ಟಿ

ಇರಲಿ ಸ್ವಂತಿಕೆ ನಮಗೆ

ತನು ಮನದಲೀ