ಕನ್ನಡ ಕಲಿಯಿರಿ

---------------------

ಕನ್ನಡ ಕಲಿಯಿರಿ, ಕನ್ನಡ ಕಲಿಸಿರಿ

ಕನ್ನಡ ಬೆಳೆಸುತಾ ಬಾಳಿರಿ|

ಕನ್ನಡ ದೇವಿಗೆ

ಕನ್ನಡ ದೀಪವ ಹಚ್ಚುತ

ಬಾಳನು ಬೆಳಗಿರಿ|

ಕನ್ನಡದಿಂದಲೇ ಎಲ್ಲವ ಕಾಣುತ

ಕನ್ನಡ ದೀವಿಗೆ ಹಚ್ಚಿರಿ|

ಕನ್ನಡ ಬಾವುಟ ಹಾರಿಸಿ

ಕನ್ನಡ ಡಿಂಡಿಮ ಬಾರಿಸಿ||

ಕನ್ನಡವಲ್ಲವೇ ನಮ್ಮೆಲ್ಲರಿಗೂ ಕಾಮಧೇನು

ಕನ್ನಡವಲ್ಲವೇ ನಮ್ಮೆಲ್ಲರಿಗೂ ಕಲ್ಪತರು|

ಕನ್ನಡವಲ್ಲವೇ ನಮ್ಮೆಲ್ಲರ ತಾಯಿಬೇರು

ಎಳೆಯೋಣ ಬನ್ನಿ ಎಲ್ಲರು ಸೇರಿ ಕನ್ನಡ ತೇರು||

ಕನ್ನಡವೇ ನಮ್ಮೆಲ್ಲರ ಉಸಿರಾಗಲಿ

ಕನ್ನಡತನವು ನಮ್ಮಲ್ಲಿ ಸ್ಥಿರವಾಗಲಿ|

ಕನ್ನಡ ಬಳಸದ ಕನ್ನಡಿಗರೇ ಆತ್ಮಾವಲೋಕಿಸಿ

ಕನ್ನಡ ಬೆಳೆಸದ ಕನ್ನಡಿಗರೆ

ಕನ್ನಡವ ಉಪೇಕ್ಷಿಸದಿರಿ|

ಕನ್ನಡ ಜನ ಕನ್ನಡತನವನು

ಅಪಮಾನಿಸಿದವರಿಗೆ ಧಿಕ್ಕಾರವಿರಲಿ

ಕನ್ನಡ ಆಡಳಿತಭಾಷೆಯ ನಿಂದಿಸುವರಿಗೆ

ನಮ್ಮಯ ಧಿಕ್ಕಾರವಿರಲಿ||

-ಜಾನಕಿತನಯಾನಂದ

(ಜೀವನತರಂಗಗಳು ಕವನಸಂಕಲನದಿಂದ)