ಅಪ್ಪ 

ಅಪ್ಪ ಒಂದು ಅನಿರ್ವಚನೀಯ ಅನಿಕೇತನ

ಮಕ್ಕಳು ಬಯಸಿದಾಗ ಬೇಡಿದೆಲ್ಲವ  ಶಕ್ತಿಮೀರಿ ತಂದುಕೊಡುವ ಚೇತನ |

ಸೂರ್ಯ ಚಂದ್ರ  ತಾರೆಯಂತೆ ಮಿನನುಗುವ 

ಹೊಳೆದು ಇತರರ ಬೆಳಗುವ ನಂದಾದೀಪ ಅಪ್ಪ||

ತೀರ್ಥರೂಪವಾಗಿ ಮಗುವ ಹೆತ್ತು 

ಹತ್ತು ಹದಿನೆಂಟು ವರುಷಗಳ ಕಾಲ ಹೊತ್ತು

ನಿರುಪೇಕ್ಷೆಯಿಂದ ಸಾಕಿಬೆಳೆಸುವ ದೇವಮಾನವ|

ಗಾಣದೆತ್ತಿನಂತೆ ನಮಗಾಗಿ ದುಪ್ಪಟ್ಟು ದುಡಿದರೂ

ಕಾಣದಂತೆ ಇರುವ ಅನಾಮಿಕ

ತನಗಾಗಿ ಏನನೂ ಕೂಡಿಡದ ಮನೆಯ ನಾವಿಕ||

ನೀತಿ ನಿಯಮ ಧರ್ಮದಾದಿ ಹಾಕಿಕೊಟ್ಟು

ನೇಮ ಸತ್ಯದಲ್ಲಿ ನೆಡೆದು ತೋರಿಸುವ ದಾರ್ಶನಿಕ|

ನೂರು ಕಷ್ಟ ಸಹಿಸಿ ಪ್ರೀತಿ ಮಮತೆ ಮೂಟೆಹೊತ್ತು 

ಎಲ್ಲಮಕ್ಕಳಿಗೂ ಸಮಾನವಾಗಿ ಹಂಚುವ ಮಾಂತ್ರಿಕ||

ಬೆನ್ನುಬಾಗಿ ತಲೆ ನೆರೆತರೂ ದುಡಿದೇ ಬದುಕುವ ಛಲಗಾರ

ನೋವನುಂಡು ನಗುಮೊಗವ ತೊರುತ ತೃಪ್ತಿದಾತ|

ನೆಲ‌ ಜಲ ಭಾಷೆ ಸಂಸ್ಕೃತಿ ವಂಶ ಪರಂಪರೆಯ ಹರಿಕಾರ

ಅಸಾಧ್ಯವ ಸಾಧಿಸಿ ತೋರುವ  ಸಾಧನಾಶೀಲ ಶಿಲ್ಪಿ ಅಪ್ಪ||

                   *ಜಾನಕಿತನಯಾನಂದ

ಅನಿಕೇತನ=ಮನೆಇಲ್ಲದವನು / ದೇವರು