ಇಂದೇಕೆ ಹೂವೇ

ನಿನ್ನ ನಗುವು ಉಮ್ಮಳಿಸಿದೆ

ರಾಮ ಬರುವೆನೆಂದೇ? ರಾಮ ಬರುವೆನೆಂದೇ?


ಗಾಳಿಯಲಿಂದೇಕೆ

ಸುಗಂಧ ಪಸರಿಸಿದೆ ಹೆಚ್ಚಾಗಿ

ರಾಮ ಬರುವೆನೆಂದೇ? ರಾಮ ಬರುವೆನೆಂದೇ?


ಇಂದೇಕೆ ಮನವರಳಿದೆ

ಈ ತಾಪಸಿಗಿಂದು ಆತಂಕ ಹೆಚ್ಚಾಗಿದೆ

ರಾಮ ಬರುವೆನೆಂದೇ? ರಾಮ ಬರುವೆನೆಂದೇ?


ವರುಷಗಳು ಕಾದಿಹೆನು

ಅವನ ಕಾಣ್ವ ಭರವಸೆಯು ಹೆಚ್ಚಾಗಿದೆ

ರಾಮ ಬರುವೆನೆಂದು! ರಾಮ ಬರುವೆನೆಂದು!


ಕಾದಿಹೆನು ಪೂಜೆಗೆ ಅನವರತ

ಕಾತರವಿದೆ ಅವನ ಬರುವಿಕೆಗೆ

ರಾಮ ಬರುವನಿಂದು! ರಾಮ ಬರುವನಿಂದು!