ಕಳೆದು ಹೋಗಿವೆ ಆ ದಿನಗಳು

ನೆನಪುಗಳು ಕಲೆಯಾಗಿ ಮೂಡಿವೆ

   ಗೆಳೆಯ ನಿನ್ನ ಮಾತುಗಳು

ಶಬ್ದಕೋಶವಾಗಿ ಉಳಿದಿವೆ

   ಜೊತೆಗೆ ನೀನಿರುವಾಗ ಸಾಧನೆಗಳು 

ಲೋಕಲ್ ಬಸ್ಸಿನ ಕಿಟಕಿಯಂತಿವೆ

   ಆ ಕಿಟಕಿಯಿಂದಲೆ ಕಾಣುವ ಕನಸುಗಳು

ನಡು ದಾರಿಯಲ್ಲಿಯೇ ಕರೆದಿವೆ

   ತಣ್ಣನೆ ಸೂಸುವ ಭಾವನೆಗಳು

ಗಾಳಿಯ ಜೊತೆ ಪಯಣ ಬಯಸಿವೆ

   ಕನಸಿಗಾಗಿ ಹೊರಟ ಮನಸ್ಸಿನ ಬಾಗಿಲುಗಳು

ಲೋಕಲ್ ಬಸ್ ನ ಕಿಟಕಿಗಳ ಮರೆತಿವೆ

   ಮನಸ್ಸಿಗೆ ಮುತ್ತಿದ ಕನಸ್ಸಿನ ರೆಕ್ಕೆಗಳು

ಆಗಸದೆತ್ತರಕೆ ಕರೆದೋಯ್ದಿವೆ

   ನಿಲ್ಲಾಣದಲಿ ಬಸ್ಸಿಗೆ ಬ್ರೇಕ್ ಹಾಕಿದಾಗ

ದೇಹ ತನ್ನ ಮನಸ್ಸಿಗಾಗಿ ಒದ್ದಾಡಿದೆ

   ನೆನಪಿಸಿದೆ ನಾ ನಿನ್ನ ಗೆಳೆಯ

ನೀನೆ ನನ್ನ ಮನಸ್ಸಿನ ಒಡೆಯ 

   ನಿನ್ನ ಕಂಡ ಕ್ಷಣವೇ ಮನವು

ನಾಚಿಕೆಯಿಂದ ಕಿಟಕಿಯಲ್ಲೆ ಪ್ರೀತಿಸು ಎಂದಿದೆ