ಮೂರು ಮಳೆ 'ಹನಿ' ಗಳು : 

 

೧ :

ನನಗೆ ತಿಳಿದಿದೆ

ನೀನು ನನ್ನೊಬ್ಬನಿಗಲ್ಲವೆಂದು.

ನೀನು ಅವನನ್ನು ಸ್ಪರ್ಷಿಸಿದರೂ

ನನಗೆ ಬೇಸರವಿಲ್ಲ.

ಆದರೂ

ನನಗಾದ ಅನುಭವವೇ

ಅವನಲ್ಲಾದರೆ ನನ್ನಲ್ಲೇನೋ ಮತ್ಸರ!..

 

೨ :

ವರ್ಷದ ಕೆಲವು ಗಳಿಗೆಯಾದರೂ

ನೀನು ನನ್ನೊಡನಿರುವುದು

ನನ್ನ ಸೌಭಾಗ್ಯ.

ಆದರೂ ಅನ್ನಿಸಿದ್ದಿದೆ

ಕೊಂಚ ನಿನ್ನಿಂದ ಬಿಡುವು ಬೇಕೆಂದು.

ಅದ ತಿಳಿದು ನೀನು

ನನ್ನನ್ನು ಬಿಡದೇ ಅಪ್ಪಿದ್ದೂ ಇದೆ.

 

೩ :

ನಿನ್ನ ರೂಪದ ಬಗ್ಗೆ

ಬೇರೆಯವರು ಏನು ತೊದಲುವರೋ ತಿಳಿದಿಲ್ಲ.

ಕತ್ತೆ ಕಸ್ತುರಿಯ ಗಾದೆ ಅವರಿಗೆ ತಿಳಿದಿಲ್ಲ.

ನಿನ್ನ ಕಣ್ತುಂಬಿಕೊಳ್ಳಲು

ನಾ ಕಾದ ಗಳಿಗೆಗೆ ಲೆಕ್ಕವಿಲ್ಲ.

ನಿನ್ನ ತವರ ಬಣ್ಣ ಕಪ್ಪಾದಾಗ

ಏನೋ ಆನಂದ.